Një 40-vjeçar ka humbur jetën këtë të shtunë pasi ka rënë në një humnerë në zonën e L&eu...
AKTUALITET
SPAK kërkon arrestimin e Ballukut/ Zhupa: Kuvendi mburojë për qeverinë! Të mblidhet Këshilli i Mandateve
PiranjatPërditësimi i fundit 9 Shkurt 2026, 15:24
Deputetja e Partisë Demokratike, Ina Zhupa, ka akuzuar mazhorancën se po përdor Kuvendin për të penguar procesin dhe hetimin, në lidhje me çështjen e zv/kryeministres së pezullur, Belinda Balluku.
Gjatë fjalës së saj në Komisionin e Kulturës, Turizmit dhe Diasporës, Zhupa u shpreh se Kuvendi, me urdhër politik, është shndërruar në një kundërshtues të drejtësisë dhe në një mburojë për të shmangur hetimet dhe arrestimet e zyrtarëve të qeverisë.
Ajo theksoi se mazhoranca kishte deklaruar se do të priste vendimin e Gjykatës Kushtetuese për Ballukun pastaj do të shqyrtonte kërkesën e SPAK për imunitetin, por edhe pas vendimit të gjykatës, çështja nuk është futur ende në rendin e ditës.
Zhupa shtoi se Këshilli i Mandateve duhej të ishte mbledhur pa asnjë vonesë, ndërsa akuzoi se anëtarët e mazhorancës po presin urdhra politikë dhe po injorojnë rregulloren dhe Kushtetutën.
“Kuvendi është kthyer me urdhër politik në kundërshtues të drejtësisë, në mburojë politike për anëtarët e qeverisë për të mos u hetuar, për të mos u arrestuar. Një Kuvend nuk mund të funksionojë normalisht kur bllokon proceset ligjore të detyruara nga rregullorja. E keni bllokuar me vetëdije të plotë. Thatë do presim Gjykatën Kushtetuese, tashmë gjykata e pezulloi, ju vazhdoni dhe nuk e keni futur në rend dite. Këshilli duhet të ishte mbledhur sot, pa asnjë vonesë. Kurse ju prisni urdhrin e Ramës dhe nuk shikoni as rregullore, as Kushtetutë. Ju bllokoni drejtësinë, atë drejtësi që jeni përbetuar se nuk do ta ndaloni. Bledi Çuçi, si kryetar grupi kur ka qenë, është përbetuar se çdo kërkesë për imunitet do të ketë miratimin e padiskutueshëm të PS. Po kësaj radhe nuk mundeni, sepse e dini që ndodh efekti domino: po ra Belinda, bie Edi. Po e tërhiqni zvarrë sepse e dini që është fundi i mazhorancës”, ka deklaruar Zhupa.
