Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Taksistët bllokojnë hyrjen para Bashkisë së Sarandës: Po dëmtohemi nga paligjshmëria
PiranjatPërditësimi i fundit 9 Qershor 2026, 12:21
Ambientet përpara Bashkisë së Sarandës janë përfshirë nga tensione dhe përplasje ditën e sotme, pasi një grup taksistësh të qytetit kanë zhvilluar një protestë për të kërkuar një takim me kryetarin e bashkisë lidhur me shqetësimet që prekin aktivitetin e tyre.
Taksistët janë paraqitur pranë institucionit me një kërkesë-ankesë zyrtare, përmes së cilës pretendojnë se automjete nga qytete të tjera, specifikisht nga Tirana, Delvina, Finiqi dhe Konispoli, po ushtrojnë aktivitet taksi në Sarandë në mënyrë të paligjshme dhe pa kontrollet e nevojshme nga institucionet lokale.
Sipas protestuesve, një tjetër problem i madh mbetet edhe mungesa e parkimeve të përcaktuara për taksitë e licencuara të qytetit, ndërsa kanë ngritur akuza të drejtpërdrejta edhe për mjete të tjera që operojnë plotësisht pa dokumentacionin përkatës.
Situata është tensionuar veçanërisht në momentin kur taksistët kanë kërkuar të hyjnë brenda në bashki për t’u takuar me kryetarin, por nuk janë lejuar të futen në institucion.
Ky vendim ka sjellë debate të ashpra dhe përplasje verbale mes protestuesve, punonjësve të sigurisë dhe policisë bashkiake që ndodhej në vendngjarje.
Pas këtyre momenteve të tensionuara, situata ka gjetur një rrugëzgjidhje institucionale, ku një përfaqësi e taksistëve është pritur në një takim nga kryetari i Bashkisë së Sarandës, Oltion Çaçi.
