Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
AKTUALITET
Trafikimi i armëve të zjarrit nga Kosova në Shqipëri, një mesazh zbuloi aktivitetin e grupit kriminal
r.llPërditësimi i fundit 31 Maj 2025, 18:04
foto ilustruese
TIRANË- Një rrjet i trafikimit të armëve të zjarrit nga Kosova në Shqipëri është çmontuar ditën e djeshme nga autoritetet policore. Sipas raportimeve ka qenë një mesazh në telefonin e një prej të arrestuarve që nxorri në dritë edhe përfshirjen e disa personave të tjerë, të cilët po ashtu u arrestuan.
Lidhur me këtë operacion janë arrestuar 10 persona dhe 2 të tjerë janë shpallur në kërkim. Të arrestuarit janë Emirel Tusha, Leandro Haxhiaj, Fabricio Berberi, Rikardo Hajdaraj, Visar Murati, Kevin Farruku, Geraldo Muraj, Adriano Shehu. Gjithashtu mësohet se të arrestuar me datë 1 maj lidhur me këtë operacion janë, Altin Pajaziti dhe Kadri Prushi.
Hetimet për këtë operacion janë shtrirë në harkun kohor të 5-muajve, ku u vërtetua se të arrestuarit dhe të shpallurit në kërkim, pasi siguronin armë zjarri kryesisht në Kosovë por dhe në qytete të ndryshme të Shqipërisë, i sillnin ato në Tiranë, për t’i shitur.
Gjatë operacionit u sekuestruan 14 armë zjarri (12 pistoleta, njëra prej tyre me silenciator, dhe 2 automatikë), 2077 fara cannabisi, krehra dhe municion luftarak, 3 automjete dhe 8 celularë. Një pjesë e armeve që merrenin nga Kosova, kalonin në kufi kalonin me makina të vogla.
Mësohet se çmimet e pistoletave që shisnin varionin nga 1500 deri në 2500 euro dhe se armët që grupi kriminal shiste ishin pistoleta, edhe të llojit Glock, si edhe automatikë. Gjithashtu mësohet se grupi nuk trafikonte armë vetëm nga Kosova për t’i shitur në Shqipëri, por kishte baza edhe në vendin tonë. Sipas informacioneve, në këtë operacion një rast është zbuluar një bazë në Burrel ndërsa antarët e grupit janë kapur duke shitur armë edhe në Shkodër e Laç.
