Ndoc Macaj, kryeplaku i fshatit Abat në Shkodër është marë i pandehur për akuzën e “Vrasjes me dashje”, pasi n&...
AKTUALITET
U kap në Kosovë me 1 milion euro cash, pezullohet nga detyra polici
PiranjatPërditësimi i fundit 25 Shkurt 2026, 14:20
Aurel Kaziu, efektivi i komisariatit Nr.5 në Tiranë u pezullua pasi emri i tij doli mes 3 personave që po transportonin nga Serbia në Kosovë një shumë financiare, prej 1 milion euro cash.
Sipas burimeve, 1 milionë euro i kishte fshehur në makinë Aurel Kaziu, efektiv policie pranë komisariatit nr.5 në Tiranë. Ndërsa në mjet ishin dhe dy persona të tjerë nga Kosova, Ardit Laska dhe Etnik Ahmaxhokaj.
Burime pranë drejtorisë së Standardeve Profesionale në Policinë e Shtetit, thanë se 28-vjeçari është larguar në drejtim të Kosovës pasi ka mbyllur shërbimin e natës dhe në vijim, kishte 2 ditë pushimi, duke mos njoftuar fare eprorët e tij për daljen jashtë kufijve.
Ai prej rreth 3 vitesh ishte pjesë e policisë, ndërsa edhe më herët është marrë me transport të mallrave nga Shqipëri në vende të Evropës dhe Britani të Madhe, dhe anasjelltas, te emigrantët shqiptarë atje.
Zbulimi i kësaj shume parash u bë pasi zyrtarët doganorë zgjodhën një automjet për ta kontrolluar në detaje. Sipas burimeve, 1 milionë euro i kishte fshehur në makinë Aurel Kaziu, efektiv policie pranë komisariatit nr.5 në Tiranë.
“Automjeti fillimisht është kontrolluar përmes pajisjes së skanimit me rreze X, ku janë identifikuar indikacionet e para për ekzistimin e një hapësire të dyshimtë të modifikuar në dyshemenë e tij. Pas këtyre indikacioneve, Dogana e Kosovës ka kërkuar asistencë nga zyrtarët e Policisë Kufitare, të cilët kanë ofruar mbështetje teknike përmes pajisjes fibroskopike. Sipas vlerësimeve fillestare, shuma e mjeteve monetare dyshohet të jetë rreth 1 milion euro”, njoftoi dogana e Kosovës.
Më pas autoritetet kufitar arrestuan policin e Kamzës, Aurel Kaziun.
Ka dyshime të forta se Kaziu sillte në Shqipëri me makinë shuma të mëdha parash, produkt i trafikut të drogës dhe aktiviteteve të tjera të paligjshme të grupeve shqiptare në Evropë.
Nuk dihet nëse Kaziu ka rrëfyer në polici se për llogari të kujt transportonte para të padeklaruara dhe të pajustifikuara.
