Banorë të zonës së Durrësit të Ri, e njohur ndryshe si Ish-Këneta, kanë protestuar mbrëmjen e sotme në Durr&eu...
AKTUALITET
U vra me plumb në kokë, del autopsia e 25-vjeçarit shqiptar i gjetur në një arë. Dyshimet e hetuesve mbi krimin
PiranjatPërditësimi i fundit 22 Shkurt 2026, 12:35
Autopsia e kryer e kryer të shtunën, mbi trupin e 25-vjeçarit shqiptar i vrarë në orët e para të mëngjesit të së premtes, nuk ka dhënë të gjitha përgjigjet e pritura nga Prokuroria e Astit në Itali. Për këtë arsye, të hënën, sërish në spitalin e Ospedale di Verduno, do të kryhen verifikime të tjera teknike për të sqaruar me saktësi dinamikën e krimit.
Viktima është një i ri shqiptar, i lindur në vitin 2001, banues në Cinzano të Santa Vittoria d'Alba. Trupi u gjet i shtrirë në një fushë në zonën Chivola, pak pas orës 7:30 të mëngjesit të së premtes, nga një automobilist kalimtar. I riu ndodhej në tokë, në një pellg gjaku, pranë një Lancia Ypsilon të regjistruar në emër të një familjari të tij, automjet që aktualisht është sekuestruar nga karabinierët.
Në vendngjarje, së bashku me karabinierët e Bra dhe ekspertët e policisë shkencore, ndërhyri edhe prokurorja Sara Paterno, e cila po koordinon hetimet. Trupi u gjet pranë fermës historike Cascina Pedaggera, në një zonë pa sisteme mbikëqyrjeje me kamera.
Ende nuk ka një konfirmim zyrtar për hipotezën se pse viktima është qëlluar me plumb në kokë. Megjithatë, në mungesë të armës së krimit, duket e besueshme që i riu të jetë vrarë me një të shtënë arme zjarri.
I riu, i cili rezulton pa precedentë penalë, mund të ketë qenë i përfshirë në një rrjet të dyshuar droge të lidhur me vrasjen. Një mekanizëm që do të kujtonte atë të zbuluar në operacionin “Operacionin Djali”, i zhvilluar nga karabinierët e Bra-s korrikun e kaluar, kur u godit një bandë që rekrutonte shpërndarës droge në Shqipëri, i dërgonte në Itali me vizë turistike 90-ditore dhe më pas i riatdhesonte pasi i kishte përdorur në trafikun e lëndëve narkotike. /PiranjatNews/
