Pas paraqitjes së fjalës përfundimtare nga kryeprokurorja Kimberly West dhe prokurori i rastit, Prokuroria e Specializuar në Hagë ka ...
AKTUALITET
Vijojnë skandalet me rrugët/ Shembet edhe segmenti ‘Auto-Moto Park’ në Elbasan
PiranjatPërditësimi i fundit 24 Shkurt 2026, 14:37
Një nga projektet më të mëdha infrastrukturore në vend, Auto Moto Park Elbasan, po përballet me degradim të parakohshëm, vetëm pak muaj pas përfundimit të një pjese të punimeve.
Asfalti në disa segmente të pistës paraqitet i çarë dhe i shembur pothuajse plotësisht, ndonëse nuk ka kaluar ende një vit nga inaugurimi i këtij investimi madhor.
Pamjet në terren tregojnë dëmtime të konsiderueshme, duke ngritur pikëpyetje serioze mbi cilësinë e punimeve dhe standardet e zbatuara gjatë ndërtimit.
Projekti i Auto Moto Park u prezantua si një vepër strategjike për zhvillimin e sektorit të automotorizimit dhe sportit automobilistik në Shqipëri.
I konceptuar si një qendër kombëtare moderne, ai synonte të sillte transformim të infrastrukturës automobilistike, të gjeneronte vende të reja pune, të tërhiqte turistë dhe të forconte profilin ekonomik të Elbasanit.
Megjithatë, dëmtimet e shfaqura në një kohë kaq të shkurtër rrezikojnë të zbehin pritshmëritë për impaktin e shumëpërfolur ekonomik dhe sportiv.
Një investim i përmasave të tilla pritej të ishte afatgjatë dhe me standarde të larta sigurie. Sot, realiteti në terren ngre shqetësime serioze për qëndrueshmërinë dhe menaxhimin e këtij projekti madhor.
