Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
AKTUALITET
Vrasja e Arjan Spahiut, Erion Alibej dëshmon me video-online për drejtësinë belge
PiranjatPërditësimi i fundit 26 Janar 2026, 21:08
Erjon Alibej, njëri nga bashkëpuntorët e prokurorisë së Posaçme SPAK mesidtën e sotme ka qënë i pranishëm në ambjentet e prokurorisë, duke dhënë shpjegime lidhur me një proces gjyqësor që po zhvillohet në Belgjikë, lidhur me vrasjen e mikut të tij, Arjan Spahiut.
Alibej, është shoqëruar nga ambjentet e burgut Nr.313 duke u futur në ambjentet e SPAK dhe në prani të Altin Dumanit, ka bërë një lidhje me video-konferencë me autoritet Belge, duke dëshmuar në gjyqin penal që po zhvillohet në Belgjikë ndaj të pandehurve, Franc Çopja Gagarin, Blerim Mamutajn, Elton Roçi që njihet ndryshe si (Fat Katnari), Endrit Sadedinin (i burgosur në Shqipëri), Elvis Muratajn dhe Eljo Bitri.
Alibej ka dëshmuar përmes një lidhje video-konference me gjykatën Belge, duke treguar të njëjtin kalvar vrasjesh që ka treguar disa muaj më parë dhe në Gjykatën e Posaçme.
Në dosjen penale Belgë është dhe Eljo Bitri, një vrasës me pagesë që ka kryer për llogari të disa grupleve kriminale, një seri krimesh në Durrës, Elbasan, Kavajë dhe Belgjikë.
Eljo Bitri, fillimisht u arrestua në Hollandë me dy pistoleta në brez dhe pasi u ekstradua në Belgjikë, vendosi të bashkëpunojë me prokurorët Belgë.
Ndërkohë i pandehuri Elton Roçi, është kushëriri i Eljo Bitrit të arrestuar nga SPAK për llogari të operacionit "Plumbi i Artë", rezulton të jetë njeriu që ka shitur dhe ka dhënë informacion për vrasjen e Arjan Spahiut në Molenbeek të Belgjikës.
Emri i Elton Roçit ose "Fat Katnari" rezulton si i përfshirë në ekzekutimin e Spahisë në vitin 2020. Ai është zbuluar së fundmi në dosjen "Dumani", e cila tashmë ka shkuar në gjyq me disa të pandehur.
Siç del në dokumentet hetimore, Roçi ka qenë shok fëmijërie me Arjan Spahiun dhe për shkak të njohjes së vjetër dhe kryerjes së punëve të pista, ata dinin shumë për njëri-tjetrin.
Madje Elton Roçi është dhe njeriu që ka ndërmjetësuar takimin e parë të zhvilluar mes Arjan Spahiut dhe Nuredin Dumanit.
Takim nga i cili është pasuar më pas në një marrëveshje trepalëshe midis Dumanit, Spahisë dhe Alibej, për të kryer disa vrasje në Durrës, Peqin dhe Elbasan.
