Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Vrasja e Mondi Mëhallës, kush i zbuloi Nevzat Spahon, Marselo Aranin dhe Mand Kolën
PiranjatPërditësimi i fundit 6 Dhjetor 2025, 22:48
Nga Elton Qyno
“…nuk kam asnjë lidhje me vrasjen e Mondi Mëhallës, unë kam mbajtur makinën “Audi” për ta shitur.Makinën ja kam marë Xhino Agos, por këtë mjet, unë ja kam lënë tre personave, ku njëri prej tyre ishte Armando Kola, nga Laçi me të cilin kam njohje…”.
Kështë ka deklaruar në policinë e Elbasanit Naldi Gjini, personi i parë që u ndalua nga policia si i dyshuar për vrasjen e Mondi Mëhallës alias Hyka në Elbasan.
Mirëpo për shkak se Gjini ka bashkëpunuar policia dhe prokuroria e Elbasanit nuk e ka proceduar atë.
Gazetari Elton Qyno, ka mësuar se bashkëpunimi i Naldi Gjinit, ka qënë tek procedura për paraqitje për njohje të personave të dyshuar.
Naldi Gjini, është përballur në polici me fotografitë e disa personave ku mes të cilëve ai ka njohur Armando Kolën, Nevzat Spahiun dhe Marselo Aranin, si 3 njerëzit që kishin qënë së bashku kur ai i kishte lënë makinën.
Gjini ka vendosur gishtin tregues tek fotot e 3 personave çka solli që policia kriminale e Elbasanit, më pas të nisë kërkimet për gjetjen e tyre.
Marsel Arani, është identifikuar dhe nga një kamer e një garazhi në zonë e “21 Dhjetorit” në Tiranë teksa përdor makinën tip “Audi” që u përdor në vrasjen e Mondi Mëhallës.
Ndërsa pamjet filmike janë të qarta, policia gjatë këtyre ditëve nuk ka mundur të lokalizojë dhe arrestojë, Marselo Aranin, i cili është zhdukur duke thyer dhe masën e sigurisë “arrest shtëpie” që kishte marë nga gjykata e Elbasanit për akuzën e “Pastrimit të produkteve të veprës penale”.
Në kërkim vijon të jetë dhe laçiani Armando Kola. Kurse i vetmi person që ka identifikuar përmes fotografive Naldi Gjini, dhe që tashmë është arrestuar nga policia është Nevzat alias Navi Spaho.
Sipas policisë së Elbasanit, Nevi Spaho nuk ka pranuar të japi shpjegime, ndërsa dyshohet se ai mund të ketë ndihmuar autorin e krimit, të largohet pas kryerjes së krimit përmes segmentit rrugor nga Elbasani-Librazhd-Prrenjas-Qafë-Thanë.
Dyshimet janë se Nevzat Spaho, mund të ketë shërbyer si shofer i personit që ka ka qëlluar mbi Mëhallën, nga momenti kur ai e ka djegur makinën në zonën e Mirakës, shumë pranë hotel “Ballkan”.
Tashmë policia e Elbasanit, po punon për të lokalizuar dhe arrestuar një person të huaj të quajtur Oliver.E, pasi dyshohet se ka kryer vrasjen e Mondi Mëhallës duke u mbështetur më pas nga Nevi Spaho nga Prrenjasi.
