Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
300 ushtarë koreano-veriorë të vrarë në Ukrainë, mbi 2 mijë të plagosur, po u bëhet presion për të vrarë veten për të shmangur kapjen nga forcat ukrainase
n.fPërditësimi i fundit 13 Janar 2025, 09:45
Foto ilustruese
UKRAINË- Rreth 300 ushtarë të Koresë së Veriut janë vrarë dhe rreth 2,700 të tjerë janë plagosur nga një total prej rreth 10,000 që Pheniani ka dërguar në tokën ruse për të luftuar forcat ukrainase. Lajmin e konfirmoi sot një ligjvënës koreano-jugor, duke cituar agjencinë e inteligjencës së Seulit.
Qeveritë e Ukrainës, SHBA-së dhe Koresë së Jugut kanë akuzuar Korenë e Veriut se ka dërguar më shumë se 10,000 anëtarë të forcave të saj të armatosura për të ndihmuar trupat ruse të largojnë trupat ukrainase në rajonin e Kurskut.
"Vlerësimet tregojnë se numri i viktimave në mesin e forcave të Koresë së Veriut ka tejkaluar 3,000, nga të cilat 300 (janë) të vdekur dhe 2,700 të plagosur," u tha gazetarëve ligjvënësi Lee Song-kwan pasi informoi anëtarët e parlamentit nga agjencia.
Ai shtoi se shënimet e gjetura mbi ushtarët e vdekur tregojnë se autoritetet e Koresë së Veriut po u bëjnë presion atyre që të vrasin veten, duke përdorur edhe eksploziv për të shmangur kapjen nga forcat ukrainase.
Përfshirja e supozuar ushtarake e huaj është përshkruar si një përshkallëzim i madh i luftës që filloi me pushtimin e Ukrainës të urdhëruar gati tre vjet më parë nga Vladimir Putin. Lufta konsiderohet se po hyn në një fazë të re kritike, pasi Donald Trump do të kthehet në Shtëpinë e Bardhë të hënën e ardhshme.
