Bashkëpunimi ekonomik SHBA-Hungari/ Kryemnistri hungarez: Kundërpeshë ndaj tarifave të mundshme

HUNGARI- Hungaria dhe Shtetet e Bashkuara do të bien dakord për një paketë bashkëpunimi ekonomik që do të ndihmojë ekonominë hungareze dhe mund të kompensojë ndikimin e tarifave të mundshme amerikane, tha të shtunën kryeministri i vendit Viktor Orban. Orban, një mbështetës i gjatë i presidentit amerikan Donald Trump, tha se paketa ekonomike do të zgjerohej në aleancën tashmë ekzistuese politike midis Hungarisë dhe SHBA-së.

Sipas tij, një marrëveshje e tillë ekonomike do t'i ndihmonte Hungarisë edhe nëse shpërthej një luftë tregtare mes SHBA-së dhe Bashkimit Evropian. Presidenti amerikan tha javën e kaluar se administrata e tij së shpejti do të shpallte tarifa prej 25% për mallrat nga BE.

“Hungaria do të pësojë humbje në një luftë tregtare, si të gjitha shtetet e Bashkimit Evropian. Ne nuk e dimë ende masën, por mund të jemi të sigurt se do të ndodhë," tha Orbán.

"Hungaria ka një shans të mirë për të arritur një marrëveshje me Uashingtonin dhe se paketa duhet të jetë në gjendje të kufizojë ose anulojë plotësisht efektet e një lufte të mundshme tregtare brenda Hungarisë. Zyrtarët hungarezë tashmë po negociojnë rinovimin e një traktati tatimor midis dy vendeve, i cili u ndërpre nga administrata e mëparshme amerikane. Elementë të tjerë të marrëveshjes do të ndihmojnë Hungarinë të kompensojë, në nivel ekonomik kombëtar, dëmet që do t'i shkaktohen Evropës nga tarifat e SHBA-së dhe do të përbëjnë kompensim si në terma monetarë ashtu edhe në aspektin e ekonomisë reale," shtoi Orban.

viktor orban donald trump shba-hungari