Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
BOTA
Dëmtimet në sistemin energjitik nga sulmet ruse, BE dhe Polonia dërgojnë qindra gjeneratorë në Ukrainë
PiranjatPërditësimi i fundit 23 Janar 2026, 14:46
Polonia ka njoftuar dërgimin e qindra gjeneratorëve në Ukrainë, ndërsa sulmet ruse ndaj infrastrukturës energjetike kanë shkaktuar ndërprerje të gjera të energjisë elektrike dhe ngrohjes, duke i lënë miliona qytetarë përballë një dimri të ashpër.
Sulmet në sistemin energjetik ukrainas kanë çuar në ndërprerje afatgjata të energjisë elektrike dhe ujit në Kiev, të cilat kanë zgjatur tre deri në katër herë më shumë se në dimrat e mëparshëm, ndërsa temperaturat e natës në kryeqytet kanë rënë deri në -20 gradë Celsius.
Gjeneratorët do të përdoren për të rikthyer energjinë elektrike në spitale, strehimore dhe shërbime të tjera kritike.
Në një deklaratë, Ministria e Brendshme polake tha se, me urdhër të kryeministrit Donald Tusk, po dërgohen pajisje për të mbrojtur civilët, dhe në veçanti 379 gjeneratorë dhe 18 ngrohës do të dorëzohen nga Agjencia Qeveritare për Rezervat Strategjike, ndërsa 447 gjeneratorë të tjerë do të financohen nga fondet e Bashkimit Evropian. Varshava po dhuron 90 gjeneratorë të tjerë direkt në kryeqytetin ukrainas.
Në nivel evropian, Ursula von der Leyen theksoi se Ukraina është një bosht qendror gjeostrategjik për BE-në, duke nënvizuar se sulmeve në mes të dimrit u përgjigjet një përshkallëzimi të mbështetjes evropiane.
Sipas shifrave që ajo paraqiti, BE ka ndarë mbi 193 miliardë euro në katër vitet e fundit, ndërsa 90 miliardë euro shtesë janë miratuar për dy vitet e ardhshme.
