Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
BOTA
"Duhet të ndalojmë luftën dhe të garantojmë sigurinë"/ Zelenskyy: Po punojmë së bashku me Amerikën dhe partnerët tanë evropianë!
E.DPërditësimi i fundit 3 Mars 2025, 20:42
UKRAINË- Presidenti ukrainas Volodymyr Zelenskyy ka theksuar rëndësinë e krijimit të një diplomacie përmbajtësore për të përmbyllur luftën dhe për të siguruar paqe për Ukrainën. Zelenskyy përmes një postimi në X thekson gjithashtu se se hapa të tjerë drejt paqes do të vijnë së shpejti.
Po ashtu ai shprehet se ukrainasit dëshirojnë më shumë paqe, pasi lufta po shkatërron qytetet dhe qytezat. Më tej Zelenskty shkruan se Ukraina po bashkëpunon ngushtë me SHBA dhe partnerët evropianë për të siguruar mbështetje në këtë rrugëtim.
"Ne vazhdojmë punën tonë me partnerë. Ne kemi pasur tashmë bisedime dhe hapa të tjerë që do të vijnë së shpejti. Është shumë e rëndësishme që ne të përpiqemi ta bëjmë diplomacinë tonë vërtet thelbësore për t'i dhënë fund kësaj lufte sa më shpejt të jetë e mundur.
Ne kemi nevojë për paqe të vërtetë dhe ukrainasit e duan më së shumti sepse lufta shkatërron qytetet dhe qytezat tona. Ne humbasim njerëzit tanë. Duhet të ndalojmë luftën dhe të garantojmë sigurinë. Ne po punojmë së bashku me Amerikën dhe partnerët tanë evropianë dhe shpresojmë shumë në mbështetjen e SHBA-së në rrugën drejt paqes. Paqja është e nevojshme sa më shpejt të jetë e mundur," shkruan Zelenskyy në X.
