Nënkryetari i Partisë Demokratike, Belind Këlliçi, nga protesta e thirrur nga PD para Kryeministrisë, deklaroi se opozita ësht...
BOTA
Ekspertët: Ilaçi i ri i Alzheimerit mund të ‘heqë’ proteinat e dëmshme që lidhen me sëmundjen
PiranjatPërditësimi i fundit 26 Prill 2023, 11:49
BRITANI E MADHE- Ekspertët kanë arritur një ‘hap të rëndësishëm përpara’ në kërkimin për trajtimin e Alzheimerit, pasi u gjet një ilaç për të hequr proteinat e dëmshme.Dailymail raporton se sipas ekspertëve ilaçi u krijua për të ndihmuar në parandalimin e prodhimit të proteinës tau që lidhet me sëmundjen.
Tau është një nga proteinat kryesore të lidhura me sëmundjen, duke formuar ‘ngatërresa’ të cilat mund të ndërhyjnë në qelizat e trurit dhe të ngadalësojnë aftësinë për të menduar dhe mbajtur mend.
Ekipi nga Kolegji Universitar i Londrës studioi 46 pacientë me një moshë mesatare 66 vjeç, të cilët kishin Alzheimer të lehtë dhe nivele të larta të tau. Shumica kishin tre doza të një ilaçi të quajtur BIIB080 të injektuar në sistemin e tyre nervor dhe pjesa tjetër kishin një placebo.
"Kërkimet e mëparshme kanë treguar se grumbullimi i një proteine të quajtur tau në tru është i lidhur me neurodegjenerimin dhe sëmundjet si Alzheimer. Në këtë provë të fazës së hershme, studiuesit përdorën një lloj të ri qasjeje për të përdorur një ilaç, i cili lufton një gjen të quajtur MAPT, i cili prodhon proteinën tau. Këto gjetje të hershme janë premtuese, por ka shumë për të bërë. Hapat e ardhshëm për këtë punë janë përsëritja e studimit në një popullsi më të madhe dhe më të larmishme”."- tha Susan Kohlhaas, Drejtore Ekzekutive e Kërkimeve dhe Partneriteteve në Alzheimer’s Research UK.
