Roberto Mancini është shumë pranë rikthimit në stolin e Kombëtares italiane. Presidenti i Federatës Italiane të Futbol...
BOTA
Ish-piloti britanik kujton tmerrin e rrëzimit dhe kapjen rob në Irak në vitin 1991
PiranjatPërditësimi i fundit 4 Prill 2026, 16:28
Një ish-pilot i Royal Air Force (Forcat Mbretërore të Britanisë), i rrëzuar aeroplan gjatë Luftës së Gjirit në 1991
Ai e përshkruan momentin e rrëzimit si “tronditës”, teksa kalon nga fluturimi me aeroplan lufte te përdorimi i ulëses së shpëtimit dhe ulja në tokë.
“Kur u goditëm nga raketa, aeroplani rrotullohej disa herë dhe ne ishim vetëm 15–18 metra mbi tokë,” tha John Peters, duke kujtuar frikën dhe intensitetin e situatës.
Ai shtoi se pas goditjes pa një “rreth me flakë portokalli, 4.5 metra i lartë”, që përfshinte aeroplanin e tij Tornado, duke e bërë përjetimin edhe më të tmerrshëm.
Peters shpjegon se sapo je në tokë dhe kalon tronditjen fillestare, trajnimi hyn menjëherë në veprim, sipas raportimeve të Telegrafi.
Ai kujton se rreth 20 ushtarë irakianë i gjetën ata dhe hapën zjarr, përpara se t’i merrnin robër.
Fotografitë e John Peters, i rrahur dhe i gjakosur pas rrëzimit të tij në Irak në 1991, u panë në mbarë botën dhe dhanë një pasqyrë të tmerrit që përjetuan pilotët në terren.
Duke folur për situatën e forcave amerikane sot, Peters i tha se ajo përjetim do të jetë shumë i ngjashëm me atë që ai përjetoi më shumë se 30 vjet më parë.
“Është një lloj loje si macja me miun,” shpjegon ish-piloti i RAF-it, duke shtuar se “forcat amerikane duhet të gjejnë kolegët e tyre dhe do të aktivizojnë skuadrën e kërkimit dhe shpëtimit, që do ta planifikojë çdo hap për nxjerrjen e personit të zhdukur. Siç mund ta imagjinoni, iranianët do të përpiqen të mbulojnë zonën sa më shumë që të mundin, sepse kjo është një lojë politike që u jep atyre një ndikim të madh”, tha ai.
Kur u pyet për perspektivat e pilotit të zhdukur amerikan, John Peters theksoi se forcat e Shteteve të Bashkuara janë “jashtëzakonisht të mira” në operacionet e kërkimit dhe shpëtimit dhe disponojnë burime të mëdha për misionet e tilla.
“Mendimet e mia në këtë moment janë më shumë për ekuipazhin aktual ajror,” tha Peters. “Ata do të jenë shumë të vetëdijshëm për atë që duhet të bëjnë dhe shpresoj që të përdorin trajnimin e tyre në mënyrë të mirë dhe të shpëtohen. Kjo është shpresa ime për ta, por edhe për familjet e tyre”, shtoi ai.
Ndryshe, një nga dy anëtarët e ekuipazhit të aeroplanit luftarak F-15, i rrëzuar mbi Iran, besohet se është i zhdukur, ndërsa tjetri është tërhequr i gjallë nga forcat amerikane.
