Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
BOTA
44 viktima dhe rreth 280 të zhdukur nga zjarri në një ndërtesë në Hong Kong
PiranjatPërditësimi i fundit 27 Nëntor 2025, 08:41
Zjarri katastrofik që përfshiu një ndërtesë në Hong Kong është konsideruar më vdekjeprurësi në të paktën 63 vitet e fundit, duke shkaktuar të paktën 44 viktima deri më tani dhe duke lënë 279 persona të zhdukur. Autoritetet paralajmërojnë se bilanci mund të rritet ndërsa ekipet e shpëtimit vazhdojnë kërkimet në katet e sipërme të godinës së shkatërruar.
Ky numër viktimash tashmë e barazon tragjedinë e gushtit 1962 në Sham Shui Po, kur një zjarr i fuqishëm vrau 44 persona dhe la qindra të pastrehë. Në atë rast, rreth 22.7 kilogramë fishekzjarrë të ruajtur brenda ndërtesës shkaktuan përhapje të rrufeshme të flakëve, raportoi South China Morning Post (SCMP).
Historikisht, Hong Kongu është përballur me disa zjarrime të rënda. Në nëntor 1996, zjarri në ndërtesën Garley në Kowloon mori jetën e 41 personave dhe plagosi 81 të tjerë, duke u konsideruar një nga katastrofat urbane më të mëdha të qytetit.
Ndërkohë, zjarri më vdekjeprurës i regjistruar ndonjëherë në Hong Kong daton në vitin 1948, kur një shpërthim në katin përdhes të një depoje pesëkatëshe me “mallra të rrezikshme” vrau 176 persona, sipas SCMP.
Autoritetet vendase po hetojnë shkakun e incidentit të fundit, ndërsa komuniteti mbarëqytetas është në ankth dhe në pritje të lajmeve për të zhdukurit.
