Masat e sigurisë janë shtuar ndjeshëm këtë të hënë përpara godinës së Kuvendit të Shqipëris&e...
BOTA
Ministrat e BE-së do të diskutojnë konfliktet në LM dhe Ukrainë
PiranjatPërditësimi i fundit 21 Prill 2026, 11:37
Ministrat e Jashtëm të Bashkimit Evropian do të diskutojnë sot zhvillimet e fundit në Lindjen e Mesme dhe mbështetjen e vazhdueshme për Ukrainën e shkatërruar nga lufta.
Ministrave do t’u bashkohet kryeministri libanez Nawaf Salam për bisedime mbi situatën në vendin e tij në takimin e tyre, në Luksemburg.
Diplomatët e lartë do të trajtojnë gjithashtu luftën në Iran dhe implikimet e saj më të gjera rajonale, duke përfshirë tensionet në Ngushticën e Hormuzit.
Lidhur me Ukrainën, ministrat do të mbajnë një takim informativ nëpërmjet lidhjes me video me ministrin e Jashtëm Andrii Sybiha mbi zhvillimet e fundit përgjatë vijave të frontit.
Shpresat janë të larta në Bruksel dhe në Kiev se një paketë e re sanksionesh ndaj Moskës dhe një kredi prej 90 miliardë eurosh (106 miliardë dollarë) për Ukrainën mund të zbatohen së shpejti, pasi kryeministri hungarez, Viktor Orbán do të largohet nga detyra në maj pas humbjes së zgjedhjeve.
Ministrat pritet gjithashtu të diskutojnë se si BE-ja mund të bashkëpunojë me Kievin për stabilitetin afatgjatë të Ukrainës, duke përfshirë mbështetjen e veteranëve dhe përpjekjet për çminim.
Në agjendë përfshihen gjithashtu kontributi i BE-së në procesin e paqes midis Armenisë dhe Azerbajxhanit, si dhe situata në Gjeorgji.
