Një numër gjithnjë e në rritje punonjësish në Gjermani e ndryshojnë vendin e punës brenda një viti. Janë kry...
BOTA
"Një qytetërim mund të marrë fund sonte"/ Reuters: Një tjetër shtet mund të perfshihet në konfliktin në Lindjen e Mesme
PiranjatPërditësimi i fundit 7 Prill 2026, 17:06
Irani ndodhet në një situatë të brishtë në përpjekjet për të shmangur një përshkallëzim të madh të konfliktit në Lindjen e Mesme, ndërsa vijojnë negociatat e ndërmjetësuara nga Pakistani mes Shtetet e Bashkuara dhe Iran, raportoi Reuters duke cituar burime të sigurisë.
Sipas një zyrtari të lartë pakistanez të sigurisë, një sulm gjatë natës nga Irani ndaj objekteve industriale në Arabia Saudite, të lidhura me kompani amerikane, ka rrezikuar seriozisht ecurinë e bisedimeve. I njëjti burim paralajmëroi se çdo kundërpërgjigje nga Riadi mund të çojë në ndërprerjen e menjëhershme të dialogut diplomatik.
Zyrtari shtoi se një përshkallëzim i mëtejshëm mund të përfshijë edhe Pakistanin në konflikt, për shkak të marrëveshjeve të tij të mbrojtjes me Arabinë Saudite, duke rritur ndjeshëm tensionet në rajon.
Një burim i dytë theksoi se Irani “po ecën mbi akull të hollë”, duke nënvizuar se tre deri në katër orët e ardhshme janë kritike për fatin e negociatave dhe stabilitetin rajonal.
Sipas Reuters, Pakistani ka qenë në qendër të përpjekjeve diplomatike javët e fundit, duke vepruar si ndërmjetësi kryesor për propozimet që shkëmbehen mes Uashingtonit dhe Teheranit. Megjithatë, deri tani nuk ka sinjale konkrete për një kompromis të mundshëm.
“Jemi në kontakt me iranianët. Kohët e fundit kanë treguar fleksibilitet për pjesëmarrje në bisedime, por njëkohësisht mbajnë një qëndrim të ashpër si kusht për çdo negociatë,” tha burimi pakistanez, duke shtuar se Islamabadi po përpiqet të bindë Teheranin të hyjë në dialog pa kushte paraprake.
