George Desmond Kamurasi mund të kalojë së shpejti nga dorezat e portierit te një kurorë mbretërore. Kapiteni 36-vjeçar i ...
BOTA
Ortekët godasin Austrinë/ Rritet bilanci i të vdekurve
PiranjatPërditësimi i fundit 21 Shkurt 2026, 09:31
Numri i viktimave nga ortekët në Austri ka shkuar në pesë, pasi një person ndërroi jetë në spital, viktimat u regjistruan në Tirol dhe Vorarlberg
Autoritetet njoftuan se dy persona u rrëmbyen nga një ortek në vendpushimin e skive St. Anton am Arlberg, në rajonin e Tirol, dhe më vonë u gjetën të pajetë. Nga tre persona të tjerë të shpëtuar në të njëjtën zonë, njëri ndërroi jetë në spital, duke e çuar numrin total të viktimave në pesë.
Autoritetet nuk kanë bërë të ditura moshat apo kombësitë e viktimave në këtë rast.
Ndërkohë, në Klösterle, në shtetin e Vorarlberg, një shtetas zviceran 39-vjeçar humbi jetën teksa po bënte snowboard së bashku me një 47-vjeçar gjerman. Sipas raportimeve, ai u rrëmbye nga një ortek rreth 250 metra larg dhe u mbulua nga dëbora.
Një tjetër incident fatal u regjistrua në Nauders, ku një 42-vjeçar humbi jetën ndërsa po bënte ski jashtë pistës me djalin e tij 16-vjeçar. Adoleshenti u shpëtua me lëndime të rënda dhe ndodhet nën kujdesin e mjekëve.
Ortekët ndodhën në zona të ndryshme të Alpeve austriake, në një periudhë kur rreziku është shtuar ndjeshëm për shkak të kushteve të pafavorshme të motit dhe shtresave të paqëndrueshme të dëborës. Autoritetet kanë paralajmëruar turistët dhe sportistët e dimrit të tregojnë kujdes maksimal dhe të shmangin daljet jashtë pistave të sigurta.
