I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
BOTA
Osmani takim me ambasadorin britanik, temë diskutimi përgatitjet për Samitin e Komunitetit Politik Evropian dhe bashkëpunimin mes Kosovës dhe Mbretërisë së Bashkuar
E.DPërditësimi i fundit 15 Korrik 2024, 16:45
KOSOVË- Presidentja Vjosa Osmani është takuar të hënën me ambasadorin britanik në Kosovë, Jonathan Hargreaves. Gjithashtu bëhet me dije se në takim është diskutuar për përgatitjet për Samitin e Komunitetit Politik Evropian dhe për bashkëpunimin mes Kosovës dhe Mbretërisë së Bashkuar. Sakaq Osmani do ta përfaqësojë Kosovën në këtë samit. Samiti i liderëve të Komunitetit Politik Evropian do të mbahet në Blenheim Palace në Mbretërinë e Bashkuar, ku do të marrin pjesë rreth 50 përfaqësues.
“Presidentja e Republikës së Kosovës, Vjosa Osmani, ka pritur sot në takim ambasadorin e Mbretërisë së Bashkuar në Kosovë, Jonathan Hargreaves, me të cilin ka diskutuar për përgatitjet për Samitin e Komunitetit Politik Evropian, si dhe për bashkëpunimin bilateral midis Kosovës dhe Mbretërisë së Bashkuar. Presidentja Osmani, sikurse në samitet e kaluara, do ta përfaqësojë Republikën e Kosovës në Samitin e Komunitetit Politik Evropian. Presidentja dhe ambasadori diskutuan për temat që do të trajtohen në këtë Samit, përfshirë nevojën e përpjekjeve kolektive për ta mbrojtur demokracinë, si dhe për kontributin e Kosovës në këto tema”, thuhet në njoftim.
