Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
Para vizitës, Putini i dhuron Kazakistanit katër tigra Amur
PiranjatPërditësimi i fundit 27 Maj 2026, 14:59
Rusia ka dërguar katër tigra Amur në Kazakistan, në një përpjekje për të ndihmuar rivendosjen e popullatës së tigrave në rajon. Dhurata vjen para vizitës së tij zyrtare në vend.
Sipas Kremlinit, kafshët, përfshirë dy këlyshë, janë kapur në rajonin e Khabarovskit në Lindjen e Largët të Rusisë dhe janë transportuar me avion drejt Kazakistanit, ku pritet të lëshohen në natyrë si pjesë e një programi ekologjik për rikthimin e specieve.
Ky projekt lidhet me përpjekjet e Kazakistanit për të rikrijuar një popullatë të qëndrueshme tigrash në habitatet e tij natyrore, duke pasur parasysh se tigri Amur konsiderohet një i afërm i ngushtë i tigrit kaspik të zhdukur.
Kazakistani ka marrë më herët edhe kafshë nga vende të tjera, si pjesë e programit të restaurimit të ekosistemeve dhe biodiversitetit.
Ndërkohë, presidenti Vladimir Putin ka theksuar se bashkëpunime të tilla me kafshë të rralla nuk janë të reja në politikën ndërkombëtare ruse, duke kujtuar edhe dërgimin e kuajve në Korenë e Veriut në vitin 2022 si një shembull i “diplomacisë së kafshëve”.
Gjatë vizitës së tij në Kazakistan, pritet gjithashtu nënshkrimi i një marrëveshjeje për ndërtimin e një centrali bërthamor dhe diskutime mbi rritjen e tranzitit të naftës ruse drejt Kinës përmes territorit kazak.
