Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
Përshkallëzimi i konfliktit mes Indisë dhe Pakistanit/ Shënohen të paktën 13 viktima e dhjetëra të plagosur
m.lPërditësimi i fundit 10 Maj 2025, 12:51
INDI- India dhe Pakistani po mbajnë zi për vdekjet nga operacionet ushtarake në të dyja anët, ndërsa ka edhe të plagosur, ndërsa përshkallëzimi i konfliktit në rajon po shkakton shqetësim global. Zyrtarët indianë konfirmuan vdekjen e të paktën një personi të shtunën si pasojë e operacioneve ushtarake pakistaneze. Kryeministri i Jammu dhe Kashmirit ka konfirmuar se një zyrtar qeveritar, komisioneri i zhvillimit të rajonit, Raj Kumar Thapa, u vra në një granatim në qytetin Rajouri në Kashmirin e administruar nga India.
"Nuk kam fjalë për të shprehur tronditjen dhe trishtimin tim për këtë humbje të tmerrshme jetësh. Shpirti i tij u prehtë në paqe", shkroi Ministri Omar Abdullah në një postim në X.
Të paktën 13 civilë u vranë në Kashmirin pakistanez deri në mesditën e së shtunës, sipas autoritetit lokal të menaxhimit të fatkeqësive. Më shumë se 50 persona u plagosën gjithashtu në zonë, njoftoi i njëjti autoritet. Tensionet midis Indisë dhe Pakistanit, të cilat administrojnë pjesë të Kashmirit, janë përshkallëzuar pas lëvizjes së Indisë për të sulmuar Pakistanin të mërkurën.
Nga ana e saj, Islamabadi deklaroi që në fillim se kishte nisur një operacion kundër Indisë, në hakmarrje për lëshimin e raketave nga India në bazat kryesore ushtarake. Pakistani tha se mbrojtja e tij ajrore kishte kapur shumicën e raketave të Indisë.
