Princi Harry në luftë me mediat britanike: Janë një nga arsyet pse nuk do ta kthej gruan time në Angli

Princi Harry dhe Meghan

SHBA- Princi Harry po vazhdon luftën kundër mediave tabloide britanike. Duka i Sussex foli për kërcënimet që tabloidët ende paraqesin për veten dhe familjen e tij në një dokumentar të ri të ITV, të quajtur "Tabloids në gjyq", që u transmetua të enjten.

"Unë nuk mendoj se ka ndonjë tjetër në botë që është më i përshtatshëm dhe i vendosur për ta parë këtë më mirë sesa unë" tha Harry në program. "Është ende e rrezikshme."

“Këto gjëra janë një shqetësim i vërtetë për mua. Është një nga arsyet pse nuk do ta kthej gruan time në këtë vend.” u shpreh Harry.

Meghan Markle ishte për herë të fundit në Mbretërinë e Bashkuar në shtator 2022, për funeralin e mbretëreshës së ndjerë Elizabeth. Harry tha gjithashtu në dokumentar se lufta e tij kundër tabloidëve shkaktoi "përçarje" me pjesën tjetër të familjes mbretërore.

Gjatë dokumentarit, princi përsëriti se gjyshja e tij e ndjerë, mbretëresha, ishte në anën e tij kur bëhej fjalë për sulmet e mediave ndaj princit.

"Ne patëm shumë biseda para se ajo të vdiste" tha ai. “Kjo është diçka që ajo e mbështeti shumë.”

princi harry