Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
BOTA
Samit i jashtëzakonshëm i vendeve të Gjirit Persik, takim për të planifikuar përgjigje ndaj sulmeve iraniane
PiranjatPërditësimi i fundit 28 Prill 2026, 14:32
Vendet e Gjirit Persik po mblidhen sot në Xhedah të Arabisë Saudite për një samit të jashtëzakonshëm, takimi i parë i liderëve me pjesëmarrje fizike që nga fillimi i luftës.
Udhëheqësit duan të dalin me një përgjigje ndaj sulmeve me raketa dhe dronë të Iranit, të nisura si hakmarrje ndaj ofensivës SHBA-Izrael, tha një zyrtar i Gjirit për Reuters.
Udhëheqësit e Kuvajtit, Katarit dhe Bahreinit dhe ministri i jashtëm i Emirateve të Bashkuara Arabe do t’i bashkohen princit të kurorës së Arabisë Saudite, Mohammed bin Salman, për një samit të Këshillit të Bashkëpunimit të Gjirit, sipas kanalit shtetëror saudit të lajmeve Al Arabiya.
Megjithatë, aleanca po përballet me sfida të brendshme, me Emiratet e Bashkuara Arabe që kritikojnë përgjigjen e saj ndaj sulmeve të Iranit.
Anwar Gargash, një zyrtar i lartë emiratian, nisi një sulm të ashpër dje, duke i thënë një konference:
“Është e vërtetë që, logjistikisht, vendet e GCC-së mbështetën njëra-tjetrën, por politikisht dhe ushtarakisht, mendoj se pozicioni i tyre ishte më i dobëti në histori. Prisja një pozicion kaq të dobët nga Lidhja Arabe dhe nuk jam i befasuar prej saj, por nuk e kam pritur as nga GCC-ja dhe jam i befasuar prej saj.”
Përveç kësaj, ekonomitë e GCC-së po shkojnë drejt rënies së tyre më të keqe që nga pandemia, me disa që pritet të tkurren këtë vit për shkak të efekteve anësore të luftës SHBA-Izrael.
