Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
BOTA
Trump: Irani është i etur për një marrëveshje
PiranjatPërditësimi i fundit 22 Maj 2026, 20:03
Donald Trump ka bërë deklarata të forta ndaj Iranit, duke theksuar se SHBA-ja “e goditi fort” Teheranin dhe se regjimi iranian nuk do të lejohet kurrë të sigurojë armë bërthamore.
“Shikoni çfarë bëmë me Iranin. Irani mezi pret të arrijë një marrëveshje. Do të shohim çfarë do të ndodhë. Por ne i goditëm fort”, deklaroi presidenti amerikan.
Trump shtoi se Uashingtoni nuk kishte alternativë tjetër përballë kërcënimit iranian.
“Nuk kishim zgjidhje tjetër, sepse Irani nuk mund të ketë armë bërthamore. Nuk mund ta ketë”, u shpreh ai.
Gjatë deklaratës së tij, Trump vlerësoi edhe fuqinë ushtarake amerikane, duke komentuar zhvillimet që lidhen me Iranin dhe Venezuela.
“Kemi ushtrinë më të madhe në botë”, tha presidenti amerikan.
Nga ana tjetër, sinjalet nga Teherani mbeten të kujdesshme. Zëdhënësi i Ministrisë së Jashtme iraniane, Esmail Baghaei, deklaroi se kontaktet diplomatike po vazhdojnë, por mohoi se një marrëveshje është pranë.
“Edhe pse këto shkëmbime po bëhen gjithnjë e më të shpeshta, ato janë pjesë e të njëjtit proces diplomatik. Nuk mund të themi me siguri se kemi arritur në pikën ku marrëveshja është afër”, deklaroi ai, duke komentuar vizitën e një gjenerali të lartë pakistanez në Tehran.
