Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
Tsunami godet brigjet e Argjentinës, vdes kalorësi 29-vjeçar, 35 të plagosur
PiranjatPërditësimi i fundit 14 Janar 2026, 11:30
Momente paniku mbizotëruan në plazhin e Santa Clara del Mar në Argjentinë, kur një tsunam me dallgë të mëdha rrëmbeu gjithçka, duke vrarë një të ri 29-vjeçar.
Viktima ishte njw kalorës (hipizwm), Yair Amir Mano Nunez, i cili ndodhej në Argjentinë me pushime me të dashurën e tij. Sipas mediave lokale, i riu fatkeq u vra pasi u përfshi në det dhe goditi kokën në shkëmbinj.
Sipas të njëjtave burime, një burrë tjetër pësoi atak në zemër pasi u përfshi në ujë, ndërsa të paktën 35 persona u plagosën.
Kreu i sindikatës së rojeve bregdetare, Nahuel Nardone, tha se valët arritën “lartësi të pabesueshme”. Banorët e plazhit përshkruan për mediat lokale kaosin dhe dëshpërimin ndërsa valët rrëmbenin çanta, çadra dhe shezlongje, duke i detyruar njerëzit të ndihmonin njëri-tjetrin për të shmangur rrëmbimin në det.
“Nuk kam parë kurrë diçka të tillë më parë”, tha një roje bregdetare për një gazetë argjentinase, ndërsa një tjetër përshkroi se si deti u tërhoq papritur disa sekonda para se një valë e madhe, e përshkruar si “si një mur”, të godiste bregun.
“Është një fenomen i paparashikueshëm. Nuk e dimë nëse mund të ndodhë përsëri”, tha Fabian Garcia, kreu i Mbrojtjes Civile të provincës së Buenos Airesit.
