Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Shqipëria luan sot me Bjellorusinë ndeshjen e fundit të Grupit C1, ku vendoset fituesi i grupit. Mesazhi i studentëve: Donte diktaturën që të ikte, por Edi Rama nuk e linte Vokshi në Bruksel: Kërkojmë mbështetje për qeveri kujdestare, me Ramën nuk ka zgjedhje të lira dhe të nders... Gjenden 3 automjete të vjedhura, policia: Do përdoreshin për ngjarje kriminale Ujësjellësi i Korçës “i krimbur” në borxhe, 29.5 milionë euro kredi pa asnjë këst të shlyer Lagështira kërcënon Amfiteatrin e Durrësit, nisin punimet restauruese Skandali i dopingut/ Pirro Dhima jep dorëheqjen pas arrestimit të vëllait, ministria nuk ia pranon Aksidentet rrugore/ Shqipëria me 25 viktima më shumë në 2025 Kthjellime dhe vranësira, njihuni me "surprizat" e motit për sot Horoskopi i së dielës! Çfarë kanë rezervuar yjet për 12 shenjat e zodiakut? Përplasje mes dy makinave në aksin Qukës–Prrenjas, një person në spital U përjashtua nga Policia e Shtetit pas konflikteve me qytetarët/ Polici problematik rikthehet në detyrë dhe...
BOTA

Turqia ngrin pasurinë e ish-ministres të partisë së Erdoganit

P
Piranjat 2 October 2026, 08:57 · 2 min lexim
Turqia ngrin pasurinë e ish-ministres të partisë së

Autoritetet turke kanë kërkuar ngrirjen e pasurisë së ish-ministres Fatma Betul Sayan Kaya dhe bashkëshortit të saj, Ilyas Kaya, për shkak të dyshimeve për tregti të brendshme dhe manipulim të tregut të aksioneve.

Prokuroria e Stambollit ka dërguar kërkesë te institucionet përkatëse për vendosjen e masës së ngrirjes së pasurisë ndaj çiftit.

Kaya, e cila është mjeke dhe inxhiniere elektrike, ka shërbyer si ministre për Familjen dhe Politikat Sociale nga viti 2016 deri më 2018. Më pas, ajo u rikthye në strukturat drejtuese të Partisë për Drejtësi dhe Zhvillim (AKP), ku ishte përgjegjëse për politikat sociale.

Hetimi më i gjerë lidhet me dyshimet për manipulim të tregut dhe transaksione të parregullta në lidhje me fondet e investimeve. Autoritetet turke kanë urdhëruar likuidimin e 131 fondeve të investimeve, me vlerë të tregut prej më shumë se 19 miliardë dollarësh, raporton cumhuriyet.

Sipas hetimit, Kaya dhe bashkëshorti i saj kishin investuar së bashku rreth 163.1 milionë lira turke, ose rreth 3.3 milionë dollarë, në aksionet e kompanisë Ozata Denizcilik. Më pas, nga shitja e aksioneve, ata dyshohet se përfituan rreth 2.2 miliardë lira, apo 44.9 milionë dollarë.

Në kuadër të hetimit janë arrestuar 56 persona, përfshirë drejtues të disa kompanive të investimeve. Autoritetet më herët kishin ngrirë pasurinë e 42 personave, 45 kompanive dhe 19 fondeve të investimeve.

Pas nisjes së hetimeve, Kaya dha dorëheqje nga funksionet e saj në parti.

Rasti po hetohet nga autoritetet turke, ndërsa presidenti Recep Tayyip Erdogan ka kërkuar gjithashtu shqyrtimin e transaksioneve të fundit të fondeve të investimeve.

SHPËRNDAJE

Lexo edhe

BOTA

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.