Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
BOTA
VIDEO/ "Njohja e pavarësisë është vijë e kuqe për ne!" Kryeministri i Serbisë: Nuk e kemi pranuar planin franko-gjerman për Kosovën
M.B.Përditësimi i fundit 25 Korrik 2024, 08:20
Kuvendi serb
SERBIA- Kryeministrit serb, Millosh Vuçeviç, ka deklaruar dje se Serbia nuk e ka pranuar planin franko-gjerman për normalizimin e marrëdhënieve me Kosovën dhe se nuk e pranon Kosovën e pavarur në asnjë mënyrë. Këtë deklaratë e ka shpërndarë në platformën “X” zv.kryeministri i Kosovës Besnik Bislmi duke thënë se pjesëmarrja e Serbisë në dialog është false, vetëm për t’i shmangur sanksionet eventuale.
“Kryeministri i Serbisë pyet përfaqësuesit e BE-së: Çfarë tjetër nevojitet për t’ju bindur se për Serbinë nuk ka Marrëveshje Themelore? Se pjesëmarrja e tyre në dialog është falso vetëm për të shmangur sanksionet eventuale? Sa drafte të tjera të planeve të renditjes na duhen përpara se të zbulojmë të vërtetën për të gjitha shtetet anëtare?”, thotë Bislimi.
Në videon në fjalë Vuçeviç thotë se ata do të flasin, do të kërkojnë çdo hapësirë manovrimi për ta përdorur në mënyrë që vendi i tyre të mos dënohet, sanksionohet e persekutohet, sipas tij. Ai ka deklaruar në kuvendin serb se jo gjithmonë i tregojnë hapur letrat sepse është kundërproduktive për pozitën e Beogradit zyrtar.
“Serbia nuk e ka pranuar planin e marrëveshjes franko-gjermane, nuk e kemi nënshkruar dhe kemi dërguar deklaratën e qartë dhe e themi se as njohja implicite as eksplicite e pavarësisë së Kosovës nuk është e pranueshme, është vijë e kuqe për Serbinë. A mund të dialogojmë? Ne do të flasim do të kërkojmë çdo hapësirë manovrimi për ta përdorur në mënyrë që vendi ynë të mos dënohet, sanksionohet e persekutohet kështu që ne nuk humbim diçka me vlerë duke mbrojtur diçka shumë të vlefshme për qytetarët e Serbisë. Kuptoni që jo gjithmonë i tregojmë hapur letrat sepse është kundërproduktive për pozitën e Serbisë”, deklaron Vuçeviç.
Serbia's PM asking EUSR & EEAS: What else is needed to convince you that for Serbia there is no Basic Agrmt? That their participation in the dialogue is faked just to avoid eventual sanctions? How many more drafts of sequencing plans we need before revealing the truth to all MS? pic.twitter.com/neC56DI3rV
