Gjatë ditës së sotme janë raportuar 30 vatra zjarri në territorin e vendit, prej të cilave 7 mbeten aktive, 10 janë në...
BOTA
VIDEO/ U tall me aktivistët e flotiljes drejt Gazas, “furtunë” reagimesh në Izrael kundër ministrit të Sigurisë
PiranjatPërditësimi i fundit 20 Maj 2026, 18:12
Në një qortim të rrallë ndaj një anëtari të kabinetit të tij, Benjamin Netanyahu kritikoi të martën Ministrin e Sigurisë Kombëtare Itamar Ben-Gvir pasi ky i fundit postoi një video që tregonte aktivistë të ndaluar nga "flotilja e Gazës" të lidhur pas shpine dhe të gjunjëzuar.
"Izraeli ka të drejtë të parandalojë flotiljet provokuese që mbështesin terroristët e Hamasit të hyjnë në ujërat tona territoriale dhe të arrijnë në Gaza", tha kryeministri izraelit në një deklaratë. "Megjithatë, mënyra se si Ministri Ben-Gvir i trajtoi aktivistët e flotiljes nuk është në përputhje me vlerat dhe standardet e Izraelit ".
Kryeministri izraelit bëri thirrje gjithashtu që aktivistët të deportohen "sa më shpejt të jetë e mundur". Më parë, Ministri i ekstremit të djathtë Ben Gvir postoi një video që tregonte dhjetëra aktivistë nga "flotilja e Gazës" të gjunjëzuar krah për krah dhe të lidhur së bashku. "Kështu i mirëpresim mbështetësit e terrorizmit. Mirë se vini në Izrael", shkroi ministri në një postim në video, ndërsa luhet himni kombëtar izraelit dhe Ben Gvir ngre një flamur të madh izraelit. Reagimi ishte i fortë edhe nga Ministri i Jashtëm Izraelit, Gideon Shaar, i cili në një deklaratë i tha Ben Gvir se ai po “shkaktonte dëme ndaj shtetit të Izraelit” dhe se ai “nuk është fytyra e Izraelit”.
Aktivistët po mbahen në portin e Ashdodit pasi Ministria e Jashtme njoftoi se misioni i flotiljes së fundit që synonte thyerjen e bllokadës detare të Gazës kishte "mbaruar", me pjesëmarrësit që u transferuan në Izrael.
Midis më shumë se 400 aktivistëve nga 45 vende në bord ishte edhe motra e presidentit irlandez, Catherine Connolly. Izraeli e quajti misionin e flotiljes një "operacion propagande në favor të Hamasit".
Qeveria italiane thërret ambasadorin izraelit për shpjegime
Nga ana e saj, qeveria italiane e quajti trajtimin e aktivistëve të papranueshëm, duke shtuar se do të thërriste ambasadorin izraelit për shpjegime.
Në një deklaratë të ashpër, kryeministrja Giorgia Meloni dhe ministri i jashtëm Antonio Tajani thanë se Italia “kërkon një kërkim falje për trajtimin ” e aktivistëve dhe “mungesën absolute të respektit” për kërkesat e qeverisë italiane. “Imazhet e ministrit izraelit Ben Gvir janë të papranueshme. Është e papranueshme që këta protestues, përfshirë shumë qytetarë italianë, i nënshtrohen këtij trajtimi që shkel dinjitetin e tyre njerëzor”, thuhet në deklaratë. /PiranjatNews/
