Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
BOTA
Vrau të bijën 5-javëshe, babai sherr me policin për prangat
PiranjatPërditësimi i fundit 18 Mars 2026, 23:27
Ky është momenti kur një baba i pamëshirshëm ankohej se prangat i kishte shumë të shtrënguara ndërsa po arrestohej për vrasjen e vajzës së tij pesëjavëshe.
E vogla Darcy-Leigh Jefferson pësoi një dëmtim katastrofik në tru dhe 47 fraktura në brinjë, pasi ishte viktimë e një serie abuzimesh të tmerrshme. Babai i saj, Sean Jefferson, tashmë është shpallur fajtor për vrasjen e foshnjës pesëjavëshe.
Nëna, Amy Leigh Clark, u shpall fajtore për shkaktimin ose lejimin e vdekjes së një fëmije, si edhe për dy akuza të shkaktimit ose lejimit të dëmtimit serioz ndaj një fëmije.
Pamjet nga kamera trupore të publikuara nga policia tregojnë Jefferson duke u ankuar ndërsa po arrestohej për vrasjen e vajzës së tij.
Ai u thotë oficerëve: “Ju thatë që nuk do të më vinit pranga, po silleni kot, shoku.
“Këto janë paksa të shtrënguara, shoku. Shikoje këtë, e sheh? Janë shumë të shtrënguara. A mund t’i lironi pak, ju lutem?”
Oficeri i thotë “rrij i qetë atëherë”, por Jefferson kërkon numrin e identifikimit të tij dhe thotë: “Do të bëj ankesë për ty. Kaq, u kry.
“Po më dhemb dora, shoku.” Jefferson kërcënon gjithashtu të raportojë një tjetër oficer policie, i cili shpjegon se do të marrë një çelës për të liruar prangat – duke e quajtur trajtimin “të turpshëm”. /PiranjatNews/
