Hetuesit e ngjarjes së ndodhur në stacionin e karburantit “EIDA” në zonën e Brrylit në Tiranë nuk kanë ende nj&...
BOTA
Zelensky: Garancitë e sigurisë nga SHBA janë gati në finalizim, presim më tepër presion ndaj Rusisë
PiranjatPërditësimi i fundit 8 Janar 2026, 15:01
Presidenti ukrainas, Volodymyr Zelensky thotë se dokumenti që përcakton garancitë e sigurisë së SHBA-së për Ukrainën “është në thelb gati për finalizim në nivelin më të lartë me presidentin e Shteteve të Bashkuara”.
Sipas tij, në dokument kanë trajtuar çështje komplekse për përfundimin e luftës.
“Është e rëndësishme që Ukraina po bashkon me sukses përpjekjet e ekipeve evropiane dhe amerikane dhe së bashku diskutuam, në veçanti, dokumente mbi rimëkëmbjen dhe zhvillimin ekonomik. U trajtuan gjithashtu çështje komplekse nga kuadri bazë për përfundimin e luftës, dhe pala ukrainase paraqiti opsione të mundshme për finalizimin e këtij dokumenti.”, theksoi presidenti i Ukrainës.
Ai theksoi gjithashtu se Ukraina do të “informojë partnerët rreth pasojave të sulmeve [brenda natës] të Rusisë”.
Zelensky shtoi se presin nga pala amerikane që të angazhohet në bisedimet me Rusinë dhe presin përgjigjen nga kjo e fundit nëse është vërtet e gatshme që t’i japë fund luftës.
Për rrjedhojë, u shpreh Zelensky, është e nevojshme që të rritet edhe më tepër presioni ndaj rusëve.
“Ne e kuptojmë që pala amerikane do të angazhohet me Rusinë dhe presim reagime nëse agresori është vërtet i gatshëm t’i japë fund luftës. Me t’u kthyer në Kiev, ekipi ynë negociator do të raportojë mbi të gjitha detajet e takimeve. Në këtë kontekst, është e nevojshme që presioni mbi Rusinë të vazhdojë të rritet me të njëjtin intensitet si puna e ekipeve tona negociuese. Mundësia e garancive të sigurisë në të ardhmen duhet të provohet nga aftësia e partnerëve tanë për të ushtruar presion efektiv mbi agresorin në këtë fazë. Ne po përgatisim kontakte të reja relevante me partnerët.”
