Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
Bushkolaj: Rama vuri RENEA-n përballë 16-vjeçarëve, SPAK hesht për aferat e qeverisë
PiranjatPërditësimi i fundit 27 October 2026, 18:58
I ftuar në emisionin 'Task Force' me Sonila Meçon në Syri TV, gazetari Elkier Bushkolaj kritikoi ashpër Presidentin e Republikës dhe SPAK-un për mungesën e reagimit ndaj zhvillimeve të fundit politike dhe protestave në vend.
Bushkolaj e cilësoi skandaloze vendosjen e forcave elitare të RENEA-s për të ruajtur kopshtin e Edenit, ndërsa përballë tyre qëndrojnë fëmijë dhe studentë.
Ai ngriti pikëpyetje edhe për heshtjen e institucioneve përballë trajtimit të protestuesve dhe kërkoi që drejtësia të veprojë për dosjet e bujshme të korrupsionit.
Gazetari u ndal te çështjet e inceneratorëve, PPP-ve në shëndetësi, dosjet që lidhen me Erion Veliajn, Arben Ahmetajn dhe bankën digjitale, duke pretenduar se hetimet nuk po avancojnë dhe se përgjegjësia e kryeministrit Edi Rama nuk po shqyrtohet në mënyrë të mjaftueshme.
Bushkolaj paralajmëroi se mungesa e reagimit nga SPAK-u po shton pakënaqësinë e protestuesve, të cilët, sipas tij, mund ta drejtojnë protestën edhe kundër këtij institucioni.
Pjesë nga intervista:
Vijme te presidenti i Shqipërisë, e këtë duhen demantuar në çdo drejtim. Mos harrojmë, në datën 17 ka thirrur krerët e komuniteteve fetare, aty ku njerëzit haptash kanë dalë për përkatësi fetare. Kjo është, kjo është skandaloze. Edhe e dyta, nuk ka reaguar për përgjakjen e fëmijëve shqiptarë, ndërkohë që ka reaguar për zgjedhjet në Serbi. Por çfarë është më e rëndë, nuk ka reaguar për degradimin e institucioneve ligjzbatuese.
Të marrësh RENEAn për të ruajtur kopshtin e Edenit, është një skandal i paprecedent. Jo në vendet e Afrikës, po nuk e di, është çmenduria më e madhe që mund të bëhet. Repartin më elitar të Policisë së Shtetit, që është për të neutralizuar elementë të krimit të organizuar me rrezikshmëri të lartë, e kanë vendosur për të ruajtur kopshtin e Edenit dhe përballë këtyre fëmijëve dhe studentëve. Dhe që të mos ketë një reagim nga Presidenti i Republikës, nga SPAK-u, nga Prokuroria e Tiranës, kjo është skandaloze në të gjitha drejtimet.
Madje disa prej organizatorëve të protestave po shkruajnë që nëse SPAK nuk ka reagim serioz për këtë që po ndodh, protesta do drejtohet edhe kundër SPAK-ut. Se është e papranueshme heshtja për gjithçka ndodh në këtë vend, pra që Belinda Balluku të ofendojë çdo ditë nga dritaret e mediave të ndryshme të Tiranës, nga dritaret e apartamenteve të saj luksoze te Buzë Lana, ata me qindra e mijëra protestues që tërhiqen zvarrë. Kjo është e papranueshme dhe ka pasur gjithë kohën e nevojshme për të çuar kërkesën e dytë për imunitet edhe për të avancuar me shpejtësi, por jo vetëm këtë, por dhe në raport me dosjet e tjera, se përmendi edhe bankën dixhitale.
Janë me qindra dosje, dosja Kayyo nuk ka asnjë lloj avancimi. Të gjitha po mbahen në heshtje. Këto janë dosje që trondisin themelet e shtetit dhe është e Edi Rama. Dhe për fat të keq çdo dosje në këtë vend, çdo dosje e kemi diskutuar që tek inceneratorët, që tek PPP-të në shëndetësi, tek dosja e Erion Veliajt, tek Arben Ahmetajt, në të gjitha dosjet, Edi Rama është lënë jashtë liste. Pavarësisht se emri i tij është në të gjitha dosjet pa përjashtim. Dhe kjo është arsyeja sepse këto njerëz janë në protestë. Janë kundër asaj heshtje absurde. Domethënë që prokurorët e SPAK-ut të mos e thërrasin Skënder Hitën për t'i thënë ore çfarë po ndodh?
