Tensionet e para janë shënuar gjatë protestës së 54-të para Kuvendit të Shqipërisë. Disa prej protestuesve kan&eu...
SOCIALE
Shqipëria kualifikohet e para për finalen e 'Eurovision'! Albina dhe familja Kelmendi shkëlqejnë me performancën plot emocion në skenë në Liverpool
PiranjatPërditësimi i fundit 12 Maj 2023, 09:00
Albina dhe familja Kelmendi kaluan në finalen e Eurovision 2023. Kënga “Duje” ishte e para që u kualifikua në finalen e madhe të këtij kompeticioni të rëndësishëm!
Albina dhe familja Kelmendi përfaqësuan Shqipërinë me një performancë madhështore në skenën e Eurovisionit në Liverpool. Në këtë natë të dytë të gjysmëfinales, kënga me titullin ‘Duje’ u performua në gjuhën shqipe dhe ishte e 14-ta në radhë.
Performanca plot emocion e familjes Kelmendi rrëmbeu duartrokitjet e të pranishmëve në sallë. Ata ia dolën që të çojnë Shqipërinë në finale dhe do të performojnë sërish në gjuhën shqipe më 13 maj para miliona teleshikuesve.
Mesazhi ishte mjaft i qartë: “Paqja në botë vjen kur duam familjen”, ka theksuar Albina, para se të ngjitej në skenë.
Festivali i këtij viti mbahet në Mbretërinë e Bashkuar, për shkak të pamundësisë për ta organizuar në Ukrainë, e cila fitoi në vitin 2022.
Shqipëria është kualifikuar në finalen e Eurovision 2023. Pas performancës plot emocion në gjysmëfinale, Albina dhe familja Kelmendi ia dolën që të çojnë vendin tonë në finalen e madhe ku do të performojnë në gjuhën shqipe këngën 'Duje'.
