Nga Florjan Binaj
Ky vit do të mbahet mend si viti i rënies së autokracive të Europës Lindore e Juglindore. Fillimisht Orbani, nje...
SPORT
I shpëtoi tragjedisë hekurudhore në Spanjë, bashkëshortja e yllit të Kombëtares rrëfen tmerrin: Jam ende në shok!
PiranjatPërditësimi i fundit 30 October 2026, 19:32
Claudia Rodríguez, bashkëshortja e futbollistit të Kombëtares së Spanjës, Marc Cucurella, ka qenë vetëm pak minuta larg një prej tragjedive më të rënda hekurudhore të regjistruara në Spanjë.
Ajo po udhëtonte drejt Malagës me një tren që vinte pas njërit prej trenave të përfshirë në përplasjen tragjike, ku humbën jetën të paktën 74 persona. Fatmirësisht, treni me të cilin udhëtonte Rodríguez nuk u përfshi në aksident, por pas ngjarjes u detyrua të ndryshonte drejtim dhe të kthehej për në Madrid.
E tronditur nga ajo që kishte ndodhur, Claudia reagoi përmes rrjeteve sociale, duke treguar se ishte mirë fizikisht, por se ngjarja e kishte lënë në gjendje shoku.
“Po udhëtoja drejt Malagës me trenin pasues dhe jam në shok. Dua të shpreh gjithë mbështetjen time për familjarët dhe miqtë e viktimave”, shkroi ajo.
Në një tjetër reagim, bashkëshortja e futbollistit sqaroi se nuk kishte pasur asnjë kontakt mes trenit të saj dhe atij të përfshirë në aksident, pasi distanca mes tyre ishte e konsiderueshme.
“Jam mirë, miqtë e mi. Treni im nuk u prek aspak, sepse distanca nga treni i përfshirë në aksident ishte e madhe. Na u desh vetëm të ktheheshim dhe të drejtoheshim për në Madrid, pasi po udhëtonim në të njëjtën linjë”, bëri të ditur Rodríguez.
Ajo theksoi se vetëm mendimi se një fatkeqësi e tillë mund t'i kishte ndodhur edhe trenit të saj ishte mjaftueshëm tronditës, por shtoi se shqetësimi i saj nuk mund të krahasohej me tragjedinë që përjetuan pasagjerët dhe familjarët e viktimave.
Ndërkohë, bilanci i aksidentit hekurudhor është rënduar, me të paktën 74 viktima, sipas të dhënave të publikuara nga komisioni hetimor për aksidentet hekurudhore pranë Ministrisë spanjolle të Transportit.
Përplasja ndodhi të mërkurën në mëngjes, në komunën e Ordas, në rajonin e Kastiljes-La Mançës, në pjesën qendrore të Spanjës. Sipas raportimeve paraprake, një tren i kompanisë shtetërore Renfe u përplas me një tren të operatorit privat Iryo, pasi ky i fundit kishte ndaluar për shkak të një problemi elektronik në sistemin e sinjalizimit.
Në momentin e aksidentit, në të dy trenat udhëtonin rreth 550 persona. Tragjedia ka tronditur opinionin publik në Spanjë, ndërsa autoritetet kanë shpallur tri ditë zie kombëtare në nderim të viktimave.
