Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
INVESTIGIME
E sëmurë me tumor dhe e braktisur nga bashkëshorti, Piranjat i japin lajmin e mirë Alketës
PiranjatPërditësimi i fundit 28 Prill 2023, 22:21
Dy javë më pare publikuam rastin e zonjës nga Tirana, Alketës, që po kalonte një moment mjaft të vështirë në jetën e saj. Ajo ishte ndarë nga ish-bashkëshorti sepse ishte përballur me dhunën fizike dhe psikologjike, ndërsa ky i fundit nuk e ndihmonte aspak, as kontribuonte financiarisht për djalin e mitur.
Alketa është peng i mosvendimit përfundimtar nga Gjykata e Apelit, pasi Gjykata e Shkallës së Parë ka vendosur në favor të saj. Përveç problemeve me ligjin, ajo kishte dhe një problem tjetër madhor, luftonte me një sëmundje të rëndë, tomorr në gji. Operacioni i parë i doli me sukses, ndërsa duhet të luftojë sërish me këtë sëmundje, pasi tumori i ka prekur dhe gjirin tjetër.
“Kam nevojë për ndihmë financiare, pasi nuk mund ta përballoj më situatën e vështirë ku ndodhem. Një banesë sociale, apo punë”, tha ajo në apelin e saj. Sapo kronika u transmetua te “Piranjat”, menjëheri pati reagime të shpejta.
Bashkia e Tiranës vendosi të ndihmonte Alketën duke i siguruar asaj bonus qeraja. Ajo përfitoi një bonus 1-vjeçar dhe po shihet opsioni i një pune për zonjën.
“Falenderoj Piranjat dhe Bashkinë e Tiranës për reagimin e shpejtë. Mora bonusin e qerasë dhe kam një tjetër lajm të mire. Operacioni doli me sukses dhe e kalova pjesën më të vështirë”, - ky po që është lajm.
Piranjat takuan dhe anëtaren e Këshillit Bashkiak të Tiranës, Blerina Doracaj, e cila është marrë personalisht me rastin.
“E pashë kronikën tuaj dhe menjëherë vendosa në lëvizje Këshillin Bashkiak. I falenderoj se u treguan shumë të shpejtë dhe siguruam bonusin 1-vjeçar të qerasë. Do mundohemi ta fusim te skema e punësimit. Falenderoj dhe emisionin ‘Piranjat’ që u kushton rëndësi rasteve të tilla”, tha ajo ndër të tjera.
