Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
INVESTIGIME
Enigma e bursës së shkollës së 17-vjeçares nga Fieri/ Ping-Pong midis institucioneve, mamaja: Viti i dytë që nuk kemi marrë paratë
PiranjatPërditësimi i fundit 2 Maj 2025, 22:29
foto ilustruese
FIER- Moskoordinim, vjedhje apo mister? Këto tre pyetje na erdhën në mend kur dëgjuam historinë e një vajze 17 vjeccare nga Fieri, e cila është shpërngulur në Tiranë për studime.
Për ta sqaruar, bursa e shkollës është një pagesë mujore e cila i jepet nxënësve të arsimit 9 vjecar dhe të mesëm sipas tre kriteret ku merren parasysh, kriteri ekonomik, rezultatet e arritura dhe kategoritë jashtë kriterit ekonomik. Kjo student e ka përfituar me statusin e dy prindërve invalid.
Për një moment, nëna e vajzës dyshon se ky problem është shkaktuar nga një ngatërresë në dokumentacionin e bursës që lidhet me emrin e shkollës.
Në bazë të vendimit nr 135 dt 21.12.2023 të këshillit bashkiak Fier për miratimin e bursave të shtetit për nxënësit që ndjekin programet mësimore pranë shkollave të mesme e profesionale, “Rakip Kryeziu dhe Petro Sota” në Tiranë përfituese është dhe vajza 17 vjeccare e zonjës. Por ndërsa në vendim janë cituar këto dy shkolla, vajza studionte në gjimnazin Besnik Sykja.
Nga ky gabim, nisi më pas një përcjellje derë më derë sa në Bashkinë e Fierit e sa në institucionet arsimore, që vazhdoi për disa muaj, derisa familjarët e vajzës, të lodhur hoqën dorë
Pa I marrë paratë e bursës, madje pa e ditur ende sot se ku kanë përfunduar....
Sidoqoftë, për vitin e ri shkollor 2024-2025, edhe njëherë zonja vendosi të plotësojë dokumentacionin e nevojshëm, me shpresën se vajza do të bëhej përfituese e një burse, aq e nevojshme për të.
Bursa u përfitua me vendimin e këshillit bashkiak Fier nr.141 datë 23.12.2024 e cila rezulton e treta sipas kërkesave të paraqitur në Bashkinë Fier nga Personat e interesuar., e firmosur nga vetë kryetari Armando Subashi.
Për të dytin vit radhazi, sorollatjet sa në Tiranë dhe Fier vazhduan pa marrë asnjë përgjigje. Ndoshta për t’ju shmangur përgjejësive, zonjës i kërkohet të bëjë ankesa drejtuar titullarëve të institucioneve.
Pasi nuk merr asnjë përgjigje, pavarësisht premtimeve, nëna e vajzës vendos t’I drejtohet zyrës së informacionit për më shumë të dhëna për cështjen e saj.
Punonjësi I informacionit lajmëron shefin e tij, por edhe ky I fundit I përcjell
Kërkesa e radhës, I shtohet numrit të shkresave dhe ankesave që ka bërë kjo zonjë për muaj të tërë.
Punonjësja e zyrës arsimore sapo pranoi gabimin e bërë në dokumentacion nga ana e tyre.
Por as aty smorëm pergjigje ndaj shkojmë tek bashkia Tiranë, e cila dhe kjo e fundit na drejton drejt Fierit, ku kërkojmë juristen.
Kjo e fundit e zënë ngushte nga ne, largohet pa na dhënë një përgjigje.
Teksa presim të marrim informacion se cfarë ka ndodhur me keto fonde, telefonojmë kryetarin e bashkisë Fier, Armando Subashi me shpresë se ky I fundit do të na japë një zgjidhje.
