Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
INVESTIGIME
Mblidhet grupi parlamentar i PS, Rama: Rezultati i zgjedhjeve të 11 majit ka peshë të madhe mbi të ardhmen e vendit
r.llPërditësimi i fundit 10 Mars 2025, 10:51
edi rama
TIRANË- Kryeministri Edi Rama ka mbledhur paraditen e sotme Grupin Parlamentar të PS-së. Gjatë fjalës së tij Rama u shpreh se zgjedhjet e 11 majit zhvillohen në një kontekst dyfish të jashtëzakonshme. Sipas tij njëri është konteksti i marrëdhënieve me BE dhe i BE me Ballkanin Perëndimor dhe tjetri është konteksti i anëtarësisë tonë në aleancën euratlantike dhe sigurisë në tërësi.
Rama shtoi se rezultati i 11 majit është më shumë sesa rezultat i partive politike, ndërsa shtoi se po ashtu ka një peshë shumë më të madhe mbi të ardhmen e vendit sesa ç’kanë pasur në zgjedhjet e mëparshme.
“Unë besoj që qysh se unë kam privilegjin të udhëheq këtë forcë politike dhe me të gjitha zgjedhjet e derisotme, 9 të tilla në asnjë prej tyre pesha e gjeopolitikës nuk ka qenë e pranishme sic është në këto zgjedhje. Këto zgjedhje zhvillohen në një kontekst dyfish të jashtëzakonshme. Njëri është konteksti i marrëdhënieve me BE dhe i BE me BP dhe tjetri është konteksti i anëtarësisë sonë në aleancën euratlantike dhe sigurisë në tërësi
Zgjedhjet e 11 majit nuk janë aspak të zakonshme dhe rezultati i 11 majit është më shumë sesa rezultat i partive politike, në rastin tonë është më shumë sesa fitore e PS në vetvete. Për ne si familje politike dhe për flamurin tonë ka qenë e rëndësisë së veçantë që të fitojmë zgjedhjet, por më 11 maj rëndësia e fitores së zgjedhjeve dhe vetë rezultati i zgjedhjeve kanë një peshe mbi të ardhmen e afërt të vendit shumë më të madhe sesa ç’kanë pasur në zgjedhjet e mëparshme, 9 herë me radhë," tha Rama.
