Gjykata e Shkallës së Parë e Juridiksionit të Fierit ka pranuar kërkesën e mbrojtjes për lirimin e Sokol Hoxhës, i cil...
LIFESTYLE
A flisni në gjumë? Çfarë do të thotë kjo dhe kur të shqetësoheni
PiranjatPërditësimi i fundit 12 Tetor 2026, 22:51
A jeni zgjuar ndonjëherë në mes të natës pasi keni dëgjuar dikë duke folur në gjumë? Apo jeni ju që i trembni të tjerët në mesnatë? Kushdo që të jetë “autori”, ka shumë mundësi që kur të zgjohet në mëngjes, nuk do të kujtojë asgjë.
Vlerësohet se 2 nga 3 persona flasin në gjumë në një moment të jetës së tyre dhe fenomeni është i zakonshëm te fëmijët. Sipas specialistes së gjumit, Dr. Michelle Drerup, drejtoreshë e Mjekësisë së Gjumit dhe të Sjelljes në Klinikën Cleveland, të folurit gjatë natës është një lloj i zakonshëm i parasomnisë, domethënë sjellje jonormale gjatë gjumit. Në shumicën e rasteve, ky është një manifestim i padëmshëm, por herë pas here mund të jetë shenjë e një gjendjeje më të rëndë shëndetësore.
Nuk ka përgjigje të qartë për këtë pyetje. Shumë besojnë se të folurit në gjumë është për shkak të dikujt që ka parë një ëndërr. Kjo mund të jetë e vërtetë në disa raste, por jo gjithmonë. Dr. Drerup shpjegon se shumica e ëndrrave ndodhin gjatë gjumit të thellë, ndërsa kthjelltësia mund të ndodhë në çdo fazë. Të folurit në gjumë mund të shoqërohet edhe me parasomni të tjera, të tilla si ecja në gjumë ose tmerret e gjumit. Kjo do të thotë se çdo faktor që pengon gjumin, si stresi ose alkooli mund të kontribuojë potencialisht për të folur përçart.
Edhe pse në shumicën e rasteve, të folurit në gjumë është diçka e pafajshme, mund të lidhet ende me disa gjendje shëndetësore, të tilla si apnea obstruktive e gjumit, çrregullimi i sjelljes së gjumit REM ose çrregullimi i stresit post-traumatik.
Si të ndaloni së foluri në gjumë?
Meqenëse është e vështirë të përcaktohen shkaqet e sakta të të folurit ose ecjes në gjumë, nuk ka asnjë mënyrë shkencore për ta ndaluar atë. Gjëja më e mirë që mund të bëni është të punoni për të përmirësuar cilësinë e gjumit tuaj. “Zakonet e gjumit të shëndetshëm dhe përmirësimi i mjedisit ku flini mund të eliminojnë shqetësimet e mundshme dhe të përmirësojnë cilësinë e gjumit.”, thotë Dr. Drerup.
Disa këshilla për të siguruar gjumë sa më të mirë:
Ndiqni një orar të rregullt gjumi, duke synuar 7-9 orë gjumë çdo natë!
Para gjumit, jepini vetes 30-60 minuta qetësi dhe pa telefon apo televizor!
Minimizoni dhe menaxhoni nivelet e stresit!
Kufizoni konsumin e alkoolit!
Shmangni kafeinën për të paktën 6 orë para gjumit!
Ushtrohu rregullisht!
Sigurohuni që dhoma e gjumit të jetë e qetë dhe e errët!
Mbani temperaturën e dhomës midis 16 dhe 20 gradë celsius.
