Napoli ka siguruar fitoren e parë nën drejtimin e Massimiliano Allegrit. Në miqësoren e zhvilluar në Dimaro,...
LIFESTYLE
Insulina shumë shpejt mund të përdoret si krem? Shkencëtarët publikojnë zbulimin revolucionar që mund t’i japë fund gjilpërave
PiranjatPërditësimi i fundit 26 Nëntor 2025, 13:13
Një ekip studiuesish nga Universiteti Zhejiang në Kinë ka zhvilluar një trajtim të ri transdermal që mund të ndryshojë përgjithmonë mënyrën se si trajtohet diabeti: futjen e insulinës në organizëm përmes një kremi, pa pasur nevojë për injeksione.
Ky zhvillim, tashmë i quajtur “revolucionar” nga komuniteti shkencor, mund të shënojë fundin e gjilpërave të përditshme për miliona pacientë në të gjithë botën.
Studiuesit testuan metodën mbi minj, derra të vegjël si dhe mostra të lëkurës njerëzore të rritura në laborator. Ata arritën të demonstrojnë se insulina, e cila deri tani konsiderohej e pamundur të depërtonte në lëkurë për shkak të madhësisë së molekulës dhe natyrës së saj, mund të futet në trup përmes një forme të re polimeresh.
Sipas ekipit kërkimor, “polimeri që depërton në lëkurë mundëson shpërndarjen jo-invazive të insulinës dhe çlirim të kontrolluar të saj”, duke e çliruar pacientin nga injeksionet nënlëkurore. Studimi u publikua në revistën prestigjioze Nature, duke tërhequr vëmendjen e ekspertëve në mbarë botën.
Aplikimi i barnave përmes lëkurës ka përparësi të mëdha: është pa dhimbje, i thjeshtë për përdorim në shtëpi dhe lejon një lëshim të butë e të kontrolluar të substancës në trup. Megjithatë, lëkura mbetet një barrierë natyrale shumë e fortë, dhe pikërisht për këtë arsye ky zbulim konsiderohet kaq i jashtëzakonshëm.
