Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
LIFESTYLE
NASA/ Mënyra si qesh dikush mund të tregojë nivelin e tij të inteligjencës emocionale
PiranjatPërditësimi i fundit 18 Tetor 2025, 11:40
Sipas një studimi të përmendur nga NASA, mënyra se si një person qesh mund të zbulojë shumë më tepër sesa mendojm madje edhe nivelin e tij të inteligjencës emocionale.
Në librin “Supercommunicators: How to Unlock the Secret Language of Connection” të gazetarit Charles Duhigg, përmendet se NASA, gjatë viteve ’80, nisi të analizonte aspektet psikologjike të kandidatëve për astronautë, pasi kishte vënë re se konfliktet ndërpersonale po bëheshin pengesë gjatë misioneve afatgjata.
Kërkimi solli një zbulim të pazakontë: astronautët që pasqyronin mënyrën e të qeshurës së intervistuesit rezultuan të ishin ata me nivelin më të lartë të inteligjencës emocionale.
Ky “pasqyrim emocional” kur dikush qesh në të njëjtën mënyrë apo ritëm me personin tjetër u pa si tregues i aftësisë për t’u lidhur emocionalisht, për të kuptuar ndjenjat e të tjerëve dhe për të ndërtuar bashkëpunim të fortë në grup.
“E qeshura nuk është vetëm reagim, por edhe formë komunikimi emocional. Ata që e ndajnë në mënyrë natyrale janë më të mirë në ndërtimin e marrëdhënieve dhe menaxhimin e stresit,” shkruhet në libër. Në fakt, kur NASA krahasoi rezultatet e këtij testi me performancën e astronautëve në mision, u vu re se ata që “reflektonin” të qeshurat e të tjerëve përshtateshin më mirë, ruanin harmoni në skuadër dhe menaxhonin më qetë presionin.
Në përditshmëri, ky fenomen nuk kufizohet vetëm te astronautët. Ekspertët thonë se njerëzit me inteligjencë të lartë emocionale shpesh qeshin jo për atë që dëgjojnë, por për emocionin që ndjejnë nga personi përballë.
Prandaj, herën tjetër që jeni në një intervistë pune apo në një bisedë të rëndësishme, mos e nënvlerësoni të qeshurën mund të jetë një nga mënyrat më të thjeshta për të treguar inteligjencën tuaj emocionale.
