Nënkryetari i Partisë Demokratike, Belind Këlliçi, nga protesta e thirrur nga PD para Kryeministrisë, deklaroi se opozita ësht...
LIFESTYLE
Shpresa për mposhtjen e kancerit dhe zgjatjen e jetës: Ilaçi i ri që po tërheq vëmendjen globale
PiranjatPërditësimi i fundit 17 Nëntor 2025, 13:23
Drejtori kryesor teknologjik i kompanisë kineze “Lonvi Biosciences” në Shenzhen, Liu Qinghua, deklaroi se rezultatet e fundit të kërkimeve mund të ndryshojnë rrënjësisht mënyrën se si njerëzit përballen me plakjen dhe sëmundjet e rënda, përfshirë kancerin. Ai tha se, në vitet e ardhshme, askush nuk do të vuajë nga kanceri dhe jetesa deri në 150 vjet mund të bëhet e mundur.
Optimismi bazohet në zhvillimin e një ilaçi të ri që ka treguar rezultate premtuese në studimet laboratorike. Ky ilaç përbëhet nga molekula që synojnë qelizat senescente, të njohura edhe si “qeliza zombie”, të cilat nuk vdesin natyrshëm dhe dëmtojnë qelizat përreth. Eliminimi i këtyre qelizave është një nga qasjet më premtuese në fushën e senolizës, një fushë që studjohet gjerësisht nga institute si Mayo Clinic dhe Buck Institute for Research on Aging.
Qelizat senescente lidhen me plakjen e përshpejtuar, inflamacionin kronik, diabetin tip 2, sëmundjet kardiovaskulare dhe disa forma të kancerit. Studimet te modelet shtazore tregojnë se pastrimi i këtyre qelizave rrit jetëgjatësinë dhe përmirëson funksionet fizike dhe metabolike. Kompania pretendon se ka zhvilluar kapsula që mund të veprojnë si ilaç senolitik oral, një kategori që aktualisht është në faza të hershme klinike në botë.
Sipas drejtuesit ekzekutiv të “Lonvi Biosciences”, Ip Zuo (i njohur si Ziko), kombinimi i këtyre pilulave me një mënyrë jetese të shëndetshme dhe kujdes mjekësor mund të ndihmojë njerëzit të jetojnë 100–120 vjet, madje edhe më shumë. Megjithatë, studiuesit theksojnë se efektet reale te njerëzit kërkojnë prova afatgjata dhe rigorozë klinike.
David Furman, profesor në Buck Institute for Research on Aging, vuri në dukje se ilaçi duket premtues, por duhet testuar në prova të mëdha klinike, të kontrolluara dhe të blinduara, për të konfirmuar sigurinë dhe efektivitetin.
Kompania kineze përdor përbërës të ndryshëm, si ekstrakt i farës së rrushit (procyanidin C1), manaferrat goji, dhe teknologji mbështetëse si dhomat kriogjenike dhe stimulimi mitokondrial, duke eksploruar mënyra të reja për të parandaluar plakjen dhe për të përmirësuar shëndetin. Studimet mbi minjtë treguan se PCC1 shkatërron qelizat senescente, përmirëson forcën muskulore, aktivitetin fizik, densitetin e kockave dhe metabolizmin, duke shtuar jetëgjatësinë e tyre.
Megjithatë, shkencëtarët nënvizojnë se kalimi nga rezultatet te modelet shtazore në prova te suksesshme te njerëzit kërkon vite studimesh dhe verifikime rigorozë.
