Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
LIFESTYLE
Toka po thith më shumë dritë se më parë, ekspertët: Nuk e kthen mbrapsht, po errësohet hemisfera veriore!
PiranjatPërditësimi i fundit 6 Nëntor 2025, 16:23
Qendra kërkimore Langley e NASA-s ka zbuluar se hemisfera veriore po errësohet më shpejt se ajo jugore, ndryshim ky që pritet të ndikojë tek reshjet dhe modelet e motit.
Ekspertët thonë se ekziston një simetri mes dy hemisferave të planetit: Ato reflektojnë pothuajse të njëjtën sasi të dritës së diellit mbrapsht në hapësirë.
Cka në vetvete është e cuditëshme, sepse gjysma veriore ka më shumë tokë, më shumë qytete dhe më shumë ndotje, shkruan TCH. KJo duhet të cojë në një albedo më të lartë- sasia e dritës së reflektuar-sesa gjysma jugore, e cila duke qenë kryesisht oqeanike, është shumë më e errët dhe thith më shumë rrezatim.
Por studimi I fundit i botuar në Proceedings of the National Academy of Sciences, tregon se ky ekuilibër po zhduket, dhe kjo mund të ketë efekte shkatërruese për klimën. Autorët e studimit, shkencëtare të Qendrës Kërkimore Langley të NASA-s, të cilët analizuan 24 vjet vëzhgime nga misioni CERES, zbuluan se tani, po ndodh e kundërta: Hemiksfera veriore po e thith më shpejt dritën se ajo jugore.
Ajo po errësohet. Ky ndryshim në ekuilibrin e energjisë së Tokës mund të përshpejtojë ngrohjen globale, sepse nëse planeti ynë, si cdo objekt tjetër thith më shumë dritë, temperatura e tij rritet.Këto ndryshime sipas ekspertëve, mund të ndikojnë tek reshjet e për rrjedhojë edhe tek modelet e motit për dekadat e ardhshme.
