Sektori i ndërtimit, i cili prej vitesh ka shërbyer si motori i pandalshëm i ekonomisë në Shqipëri, duket se ka prekur pikën...
SPORT
Manchester United piketon Unai Emeryn për stolin, por përballë një pengese të madhe
PiranjatPërditësimi i fundit 2 November 2026, 12:22
Manchester United po shqyrton mundësinë e emërimit të Unai Emeryt si trajnerin e ardhshëm të skuadrës, në rast se vendos të mos vazhdojë bashkëpunimin me Michael Carrick. Megjithatë, afrimi i teknikut spanjoll nga Aston Villa konsiderohet një mision tejet i vështirë.
Sipas raportimeve të gazetarit Dean Jones për Flashscore, Emery gëzon admirimin e disa drejtuesve të klubit anglez dhe emri i tij është diskutuar edhe më parë për stolin e “Djajve të Kuq”. Por ekzistojnë dy pengesa të rëndësishme që mund të komplikojnë një marrëveshje të mundshme.
Pengesa e parë është vetë Aston Villa. Klubi anglez është i kënaqur me punën e Emeryt dhe beson se trajneri është i përkushtuar ndaj projektit që po ndërton në Birmingham.
Për më tepër, kontrata e tij nuk përmban një klauzolë largimi që do t'i mundësonte Unitedit ta siguronte shërbimin e tij pa negociata të vështira.
Problemi i dytë lidhet me vetë dëshirën e trajnerit spanjoll. Emery raportohet se ka rezerva për mënyrën se si funksionon struktura drejtuese e Manchester United, veçanërisht për përfshirjen e drejtuesve të lartë në vendimmarrjet sportive. Përvojat e vështira të trajnerëve të mëparshëm në “Old Trafford” duket se kanë ndikuar në perceptimin e tij për klubin.
Ndërkohë, Manchester United po shqyrton edhe alternativa të tjera. Në listën e emrave të përmendur janë Eddie Howe, Julian Nagelsmann dhe Antonio Conte, të cilët konsiderohen opsione më të lehta për t'u negociuar nëse klubi vendos të bëjë një ndryshim në pankinë.
Vendimmarrja për të ardhmen e Carrick dhe identifikimin e trajnerit të ri është në duart e drejtorit të futbollit Jason Wilcox dhe shefit ekzekutiv Omar Berrada.
Sipas raportimit, pushimi i ardhshëm i kombëtareve pritet të jetë një moment kyç për vendimin e drejtuesve.
Carrick pritet të qëndrojë në detyrë deri në atë periudhë, ndërsa objektivi i klubit është që trajneri i ri të jetë përcaktuar përpara transfertës së rëndësishme ndaj Liverpoolit në “Anfield”.
Unai Emery mbetet një emër që pëlqehet në “Old Trafford”, por për ta bindur të largohet nga Aston Villa, Manchester United duhet të kapërcejë jo vetëm pengesat kontraktuale, por edhe dyshimet e vetë trajnerit për mënyrën e funksionimit të klubit.
