Sektori i ndërtimit, i cili prej vitesh ka shërbyer si motori i pandalshëm i ekonomisë në Shqipëri, duket se ka prekur pikën...
SPORT
Barcelona pret Aston Villan, Flick: Mund të bëjmë historinë, dy humbjet nuk kanë ndryshuar asgjë
PiranjatPërditësimi i fundit 2 November 2026, 15:25
Barcelona do të presë në ndeshjen e raundit të katërt të Ligës së Kampioneve, Aston Villan e Unai Emery. Trajneri i katalanasve, Hansi Flick është i bindur se skuadra e tij do të arrijë shumë suksese këtë sezon pavarësisht dy humbjeve ndaj PSG dhe Realit të Madridit.
Në konferencën për shtyp, Flick dha mesazhin e qartë se Barcelona është në gjendje të luftojë për të fituar të gjithë titujt.
‘Besoj se kemi luajtur në të njëjtin nivel me PSG dhe Realin e Madriti dhe rezultatet mund të kishin qenë ndryshe-tha Flick-por nuk më pëlqen të shoh pas, por të shoh drejt ndeshjeve të ardhshme. Mund rë bëjmë historinë dhe po punojmë për këtë, për të fituar La Liga dhe Champions League. Është normale të përqendrohesh te humbjet dhe pikat e dobëta, edhe unë po të isha gazetar të njëjtën gjë do të bëja, por humbjet nuk kanë ndryshuar asgjë. Përpara tyre kishim 11 fitore radhazi dhe tani jemi të fokusuar te Aston Villa për të mundur realizimin e objektivit që të jemi mes 8 ekipeve të para të Fazës së Ligës në Champions’
Hansi Flick nuk ngurroi të thotë fjalët më të mira edhe për kolegun e tij, Unai Emery për punën që ai po bën me Villans
‘Është një prej trajnerëve më të mirë në Evropë-shtoi Flick-ndaj anglezëve na pret një ndeshje shumë e vështirë. Aston Villa e ka të qartë si të luajë në mbrojtje dhe në sulm. Më pëlqen shumë. Kjo është Liga e Kampioneve dhe është diçka speciale. Çdo rival ka kualitete dhe do të jetë një sfidë shumë e vështirë. Më pëlqen si luan skuadra e Emery, ka besim në lojën me top, në dalje në sulm. Më pëlqen struktura e saj mbrojtëse. Gjtihçka është e qartë për ta. Do të jetë një ndeshje e vështirë kundër një trajneri të shkëlqyer’.
