Pak javë më parë ju treguam skemën që ka nisur të aplikohet në masë nga ekzekutivi për të anashkaluar transpar...
BOTA
VIDEO- "Mbylle gojën"/ Dora Bakojanis përplaset keq me një grua, reagime të ashpra në Greqi
PiranjatPërditësimi i fundit 30 October 2026, 19:50
Një përplasje verbale mes deputetes së Demokracisë së Re, Dora Bakojanis, dhe një gruaje të pranishme shënoi diskutimin publik për gjendjen dhe nevojat e spitalit të Hanias, në ishullin grek të Kretës.
Gjatë takimit, ku merrte pjesë edhe ministri i Shëndetësisë, Adonis Georgiadis, Bakojanis deklaroi se diskutimi po zhvillohej në mënyrë konstruktive dhe se nuk ishte kthyer në një përballje politike mes Georgiadisit dhe Pavlos Polakisit.
Deputetja theksoi se edhe ajo do të dëshironte një financim prej dy miliardë eurosh për spitalin, por shtoi se problemet më urgjente pritet të marrin zgjidhje gjatë nëntorit ose, më së voni, deri në janar.
Bakojanis foli gjithashtu për nevojën që të kontribuojnë edhe ata që përfitojnë nga shërbimet e spitalit, ndërsa përmendi mundësinë e krijimit të një kampusi shëndetësor në një sipërfaqe prej rreth 20 mijë metrash katrorë pranë institucionit.
Megjithatë, gjatë fjalës së saj, një grua që kishte folur më herët në takim e ndërpreu deputeten, duke shkaktuar reagimin e saj të ashpër.
“Mbylle gojën, moj e dashur, për një minutë. Mbylle!”, iu drejtua Bakojanis pjesëmarrëses.
Gruaja reagoi menjëherë duke e pyetur: “Kujt po i flisni kështu?”
Deputetja iu përgjigj sërish: “Mbylle, po flas unë.”
Pak minuta përpara këtij incidenti, Bakojanis kishte pasur një tjetër shkëmbim verbal me një pjesëmarrës që e ndërpriste gjatë diskutimit.
Incidenti tërhoqi vëmendjen gjatë një takimi që synonte të trajtonte problemet e funksionimit të spitalit të Hanias, nevojat për financim dhe mundësitë për përmirësimin e infrastrukturës shëndetësore në rajon.
Η Ντόρα Μπακογιάννη απευθύνεται σε υγειονομικό και του λέει «κλείσε το στόμα σου» Δεν είναι τυχαία η αντίδραση Είναι η αντίληψη ότι αυτοί είναι οι γαλαζοαίματοι και οι υπόλοιποι οι παρακατιανοί που πρέπει να δουλεύουν για να τους ταΐζουν Αυτό το σόι πρέπει να εξαφανιστεί μία και καλή Πίνουν τα αίμα των Ελλήνων εδώ και τόσα χρόνια Πρέπει να μπει ένα τέλος
