Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
POLITIKE
77 vota kundër/ Rrëzohet pr/ligji i PD-së për uljen e çmimit të naftës
PiranjatPërditësimi i fundit 9 Prill 2026, 12:07
Mazhoranca ka rrëzuar me 77 vota kundër kërkesën e PD për të nisur procedurën e përshpejtuar sa i përket projektligjit të propozuar për naftën.
Deputeti demokrat, Eno Bozdo, argumentoi kërkesën e PD, ku në propozim theksohej futja e një mekanizmi të ri për të kontrolluar çmimin e naftës.
“Çfarë na ofron qeveria shqiptare sot? Bordin e transparencës që vetëm vrojton rritjen. Bordi është vullneti politik i kryeministrit. Ndërsa mekanizmi ynë është ligji që mbron qytetarët.
Le ta miratojmë këtë projektligj sot, për të shprehur vullnetin politik se do t’i reduktojmë taksat e naftës dhe bashkë me to, do të miratojmë edhe një mekanizëm që jo vetëm menaxhon sipas standardeve më të mira europiane rezervën e sigurisë, por siguron transparencë.
Për këtë krizë, por edhe për të tjera, garantojmë që çmimi do të ulet automatikisht dhe qeveria nuk do të përfitojë nga kriza. Ta miratojmë këtë ligj edhe për të dhënë sinjalin që edhe në kohë të vështira, mendojmë për ekonominë familjare, kombëtare, për fermerët”, tha Bozdo.
Nga ana tjetër, kreu i Grupit Parlamentar i PS, Taulant Balla, tha se nuk mund të sillet për t’u votuar një projektligj, i cili nuk ndodhet në rendin e ditës.
