Anëtari i Kryesisë së Partisë Demokratike, Grigels Muçollari, ka reaguar pas publikimit të një audio-dëshmie të...
POLITIKE
Ja cilat janë gratë që ka mbrojtur Rama dhe si ndryshoi 'njësia matëse', nga peshku tek apartamentet
PiranjatPërditësimi i fundit 26 Shkurt 2026, 13:31
Rama mbrojtës i grave!
Në diskursin e tij prej vitesh shihet një ndryshim rrënjësor i qasjes së tij me gratë e pushtetit dhe mënyrën se e ka perceptuar shkeljen ligjore. Në vitin 2021 për një vend pune të premtuar, i doli krah një gruaje, sot me gra të tjera shkelja është bërë më evidente me 300 shtëpi, e shkelje të barazisë në tendera, por përsëri kryeministri ka ndjekur narrativën e mbrojtjes.
Ndryshe nga Rasti Tahiri, ndryshe shumë nga rasti i Arben Ahmetaj dhe ndryshe me kryetarët e bashkive që i ka lëshuar.
''Nuk mund të arrestohet dikush për një arkë peshk'',kështu shprehej Rama për zyrtaren Rovena Vodo, e cila mbante postin e zëvendësministres së Brendshme kur ra në rrjetën e SPAK nën akuzën e korrupsionit.
Për kryeministrin asokohe, dënimi për një 'arkë peshk' ishte diçka jashtë normalitetit.
Ndërkohë sot, po i njëjti kryeministër ka zgjedhur të mbrojë ministrat dhe drejtorët, të cilët nuk kanë vjedhur një arkë peshk, por miliona euro nga taksat e qytetarëve.
Para gjithë shqiptarëve Rama zgjodhi të mbrojë Mirlinda Karçanajn, ish-drejtoreshën e AKSHI-t, e cila ndodhet në ‘arrest shtëpie’ dhe në dosjen e SPAK konsiderohet si pjesë e grupit të strukturuar kriminal. Nga ana tjetër thuhet se në këtë dosje janë të përfshirë dhe familjarët e kryeministrit, specifikisht kunati i tij dhe bashkëshortja e kryeministrit.
Më tej akoma një rast më i rëndë është dhe ai i Belinda Ballukut, e akuzuar për pabarazi në tendera në disa episode.
Dhe në këtë rast shefi i qeverisë është pozicinuar krah Belës dhe kundër drejtësisë, madje ndaj këtyre të fundit ka nisur sulme të rënda.
Ndërkohë akuzat për Ballukun janë edhe më të rënda, ku thuhet se janë rreth 300 apartamente që ajo i zotëron, ndaj SPAK për të ka nisur dhe një hetim të pasurisë.
Nga ana tjetër ndryshimi i qëndrimit ndaj drejtësisë për emra të caktuar tregon qartë implikimin e kryeministrit në dosje, gjë kjo që ja ka prishur qetësinë, ndaj është i detyruar të mbrojë veten, Mirlindën e AKSHI-t dhe Belindën që e ka zëvendësen e tij. Jo më larg se sot (26 shkurt) eurodeputeti Michael Gahler tha se rasti i Belinda Ballukut, mund të pengojë integrimin në BE. Por kjo këmbanë alarmi duket se nuk ka rënë ende në veshët e Edi Ramës ose ai nuk dëshiron ta dëgjojë, sepse në vesh i kumbojnë më shumë hallet e veta./Piranjat News
