Një konflikt mes disa adoleshentëve ka përfunduar me një të plagosur dhe dy të tjerë të lënduar në lagjen &ldq...
POLITIKE
Bardhi takim me raportuesin e PE për Shqipërinë: Vendi nuk mund të ketë një të ardhme europiane nëse nuk arrin të garantojë standardet për zgjedhje të lira dhe të ndershme
M.B.Përditësimi i fundit 28 Janar 2025, 14:49
TIRANA- Kryetari i Grupit Parlamemtar të PD Gazment Bardhi është takuar ditën e sotme me Raportuesin për Shqipërinë në Parlamentin Europian eurodeputetin Andreas Schieder. Bardhi i ka shprehur shqetësimet e opozitës për zgjedhjet duke risjell në vëmendje shqetësimet e ngritura edhe nga Raportet e OSBE- ODIHR. Bardhi thotë se shqiptarët nuk kanë nevojë për një pushtet qorr në dorë të krimit dhe korrupsionit, por kanë nevojë për një Qeveri të pergjegjëshme që del nga vota e lirë dhe u shërben vetëm qytetarëve, duke bërë realitet edhe ëndrrën për anëtarësim në Bashkimin Europian.
"Shkrirja e shtetit me partinë në zgjedhje, duke cënuar lirinë e zgjedhësve, është një nga shqetësimet kryesore të OSBE-ODIHR, që vijon të mbetet aty dhe i pazgjidhur. Gjithashtu, përdorimi i parave të korrupsionit apo i krimit të organizuar në zgjedhje, është po ashtu një fakt evident që vijon të mbetet i pazgjidhur. Shqipëria nuk mund të ketë kurrë një të ardhme europiane nëse nuk arrinë të garantojë standardet minimale për zgjedhje të lira dhe të ndershme", shkruan Bardhi.
Më poshtë reagimi i plotë i Gazment Bardhit:
Sot u takova me eurodeputetin dhe Raportuesin e ri të Parlamentit Europian për Shqipërinë z. Andreas Schieder. Duke e falenderuar për mbështetjen që Parlamenti Europian ka dhënë për rrugëtimin e Shqipërisë në Bashkimin Europian, në emër të opozitës kërkova vëmendje të shtuar të Parlamentit Europian për situtën parazgjedhore në Shqipëri.
Shkrirja e shtetit me partinë në zgjedhje, duke cënuar lirinë e zgjedhësve, është një nga shqetësimet kryesore të OSBE-ODIHR, që vijon të mbetet aty dhe i pazgjidhur. Gjithashtu, përdorimi i parave të korrupsionit apo i krimit të organizuar në zgjedhje, është po ashtu një fakt evident që vijon të mbetet i pazgjidhur. Shqipëria nuk mund të ketë kurrë një të ardhme europiane nëse nuk arrinë të garantojë standardet minimale për zgjedhje të lira dhe të ndershme.
Shqiptarët nuk kanë nevojë për një pushtet qorr në dorë të krimit dhe korrupsionit. Ata kanë nevojë për një Qeveri të pergjegjëshme që del nga vota e lirë dhe u shërben vetëm qytetarëve, duke bërë realitet edhe ëndrrën për anëtarësim në Bashkimin Europian.
