Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
POLITIKE
Berisha: Belinda Balluku duhet të ishte arrestuar
PiranjatPërditësimi i fundit 1 Dhjetor 2025, 13:05
Kryedemokrati, Sali Berisha nga selia blu deklaroi se Belinda Balluku duhet të ishte arrestuar pas zbulimit të aferave korruptive, dhe pezullimit të GJKKO-së, ndërkohë zyra e saj duhej të sekuestrohej.
Berisha akuzoi Edi Ramën se keqinterpretoi qëllimisht rekomandimin e Komisionit të Venecias, duke pretenduar se pezullimi i Ballukut si zv.kryeministre dhe njëherësh ministre e Infrastrukturës dhe Energjisë ishte i paligjshëm.
Pjesë nga fjala e Berishës:
"80 përqind të firmave në vend janë të Ramës dhe Ballukut. Nuk ka asnjë ministër në Shqipëri që janë zgjedhur nga sovrani, madje as vetë Rama.
Unë i bëj thirrje ti hapin padi penale për presionin që i bëri gjykatës. Gjykatat nuk e bëjnë kurrë këtë, mashtrues. Ramës i ka plasur cipa nga frika, është i aftë t’u thotë shqiptarëve çdo gjë. Gjykata kushtetuese ti japë drejtim kësaj çështje të shkelur, mesa kemi dëgjuar askund në botë nuk ka ndodhur. Janë kryeministra të pezulluar nga detyra , janë ministra që janë pezulluar për mbrojtjen e të dhënave dhe shkeljet e bëra janë pezulluar.
Ajo duhej arrestuar dhe zyrat të viheshin të gjitha nën sekuestro dhe të vendosnin dikë tjetër të drejtonte qeverinë por thotë të ndaj me ju çfarë thotë Komisioni i Venecias se çfarë thotë për Balluku. Sipas tij gjykatat nuk duhet të bëjnë pezullimin e qeverisë se cenojnë interesin e shtetit.
Ai thotë se nëse gjykate e pezullon bie qeveria, por prokuroria këtë punë ka të mbrojë qeverinë nga hajdutët dhe kriminelët. Kur kryeministri dhe presidenti janë të zhytur deri në fyt në korrupsion atëherë prokuroria vepron. Partia Demokratike do të bëjë padi për mashtrim publik ndaj Edi Ramës sepse mashtroi shqiptarët duke thënë se Venecia mbron Belinda Ballukun. Venecia paralajmëron “.
