Kryetari i Partisë Demokratike, Sali Berisha gjatë konferencës së sotme me gazetarët ka kërkuar ndryshimin e akuzave ndaj Edi Ramës dhe Belinda Ballukut dhe gjithë të akuzuarve të tjerë që janë përfshirë në skandalet e tunelit të Llogarasë, aeroportit të Vlorës, unazën e madhe të Tiranës, inceneratorët. Ai i ka cilësuar ata si ‘një organizatë të vërtetë kriminale të kryesuar nga Edi Rama’.
Gjatë fjalës së tij, kryedemokrati kërkoi ‘rikualifikimin urgjent të veprës penale’ dhe një hetim të plotë ndaj të gjithë zyrtarëve të përfshirë. Ndërkaq, ai akuzoi edhe mediat pranë qeverisë se po shpërndajnë akuza të rreme për ‘grusht shteti’ dhe ‘përmbysje të Kushtetutës’, duke tentuar të mbulojnë skandalet e vërteta.
Në konferencën me gazetarët, lideri i demokratëve e ka vënë theksin edhe në dështimin e projekteve infrastrukturore, shembjen e skarpateve të rrugëve, pas shirave të rënë ditët e fundit. Sipas Sali Berishës ‘moti dhe korrupsioni në sinergji, në bashkëveprim, kanë pasur këtë javë efekte shkatërrimtare mbi pronat e qindra dhe mijëra qytetarëve shqiptarë’. Ai ka theksuar se përmbytjet e ditëve të fundit zbuluan gjendjen e mjerueshme të kanalizimeve dhe sistemit vaditës në të gjithë vendin.
Shembja e njëpasnjëshme e rrugëve të sapo-inauguruara, nga Qukës-Qafë Plloçë, te Kardhiq-Delvinë, Rruga e Arbrit dhe Korçë-Ersekë, sipas kreut të PD-së, janë dëshmi se vendi gjendet përballë një ‘vjedhjeje të tmerrshme e të paimagjinueshme’. Duke bërë një krahasim të fortë, Berisha kujtoi se skarpatat e ndërtuara gjatë qeverisjes së PD-së, 13-15 vite më parë që ‘nuk kanë lëvizur, ndonëse u ndërtuan me 6 deri në 10 herë më pak kosto sesa ato që sot rrëshqasin’.
Kreu i opozitës Sali Berisha akuzoi Edi Ramën për mungesë të plotë përgjegjësie, duke e përshkruar si ‘narkoqeveria është në gjumë’ dhe ‘Ramaduro udhëton për hesape të veta personale’. Ai la të kuptohet se qeveria jo vetëm që ka dështuar të menaxhojë situatën e motit, por e ka thelluar atë me abuzimet e saj.
Duke folur për çështjen Rama-Balluku dhe hetimet për tunelin e Llogarasë, kryetari i PD-së Sali Berisha deklaroi se ‘ekzistojnë prova të pakundërshtueshme se çdo veprim i ministrisë së Ballukut është diktuar nga Edi Rama, ndërsa prokuroria ka përdorur masat më lehtësuese të mundshme ndaj tyre’.
Kreu i PD-së akuzoi Prokurorinë e Posaçme se po shmang cilësimin e veprës si ‘grup i strukturuar kriminal’, pavarësisht se bëhet fjalë për një numër të madh zyrtarësh dhe dëme kolosale ndaj buxhetit publik. ‘Vetëm me tunelin e Llogarasë janë vjedhur 97 milionë euro të pastërta,’ tha Berisha, duke shtuar se në projektet e tjera shifrat janë edhe më të frikshme: ‘me unazën e Tiranës 300 deri 320 milionë euro, me aeroportin e Vlorës 140 milionë euro.’ Sipas tij, bëhet fjalë për të njëjtin grup, të njëjtën bandë, e cila ka lëvizur përmes projekteve strategjike të qeverisë ndër vite.
Kryetari i Partisë Demokratike, Sali Berisha nuk u ndal vetëm te akuzat ekonomike. Sipas tij, fakti që prokuroria nuk i ka cilësuar Rama, Balluku dhe zyrtarët e tjerë si një ‘organizatë kriminale’, tregon për kapjen e institucioneve. ‘Nuk mund të kalohet nga një vjedhje e madhe në një vjedhje tjetër të madhe… Edi Rama kryeson një organizatë të vërtetë kriminale që është qeveria e tij’, theksoi kryedemokrati Sali Berisha gjatë fjalës së tij.
Fjala e plotë:
Moti dhe korrupsioni në sinergji, në bashkëveprim, kanë pasur këtë javë efekte shkatërrimtare mbi pronat e qindra dhe mijëra qytetarëve shqiptarë në të katër anët e vendit.
Dëmet janë kolosale jo vetëm në infrastrukturën, të cilat mediat i kanë paraqitur gjerësisht, por janë mijëra kokë bagëti, janë qindra hektarë sera, janë infrastrukturë e vogël e fshatrave, të rrënuara si asnjëherë në mote më parë.
Këto mote, këto shira të mëdha, dëshmuan infrastrukturën fiktive në këtë vend, ose ineksistente, kundër përmbytjeve.
Investimet janë në të katër anët e vendit në sistemin e kanalizimeve, por kanalet janë të mbyllura, janë të mbushura, dhe ato nuk ka kush t’i hapë sepse paratë për mirëmbajtjen e tyre vetëm vidhen.
U bënë virale në Shqipëri dhe në mbarë botën pamjet e rrugës së sapoinauguruar Qukës- Qafë Pllocë, pamjet e rrugës Kardhiq-Delvinë, pamjet e Rrugës së Arbrit, pamjet e rrugës Korçë-Ersekë, të gjitha të inauguruara vitin e kaluar ose gjatë këtij viti.
Pra, pas një periudhe shumë të shkurtër inaugurimi, u shembën njëra pas tjetrës.
Ndërkohë skarpatet shumë herë më problematike, më të larta se këto që u shembën, të ngritura 15 vite më parë në Rrugën e Kombit, në autostradën Levan-Tepelenë, në autostradën Tepelenë-Gjirokastër, dhe në autostrada të tjera të ndërtuara 13-15 vite më parë, skarpatat nuk kanë lëvizur, ndonëse ato rrugë janë ndërtuar me një çmim nga 6 deri në 10 herë më të lirë se sa këto që shemben.
Një vjedhje e tmerrshme, e paimagjinueshme, sepse ndonëse është shpenzuar 6-fishi, 8-fishi, 10-fishi sipas rrugës në ndërtimin e një kilometri, skarpatat janë lënë që të rrëshqasin, asnjë lloj përforcimi i këtyre skarpateve.
Skarpateve janë pjesë thelbësore, për të mos thënë se herë-herë edhe më të rëndësishme se traseja.
Unë u rikujtoj ju këtu se përforcimi i skarpateve të rrugës Tepelenë-Gjirokastër ka marrë dy vite, e cila gjeologjikisht konsiderohet pjesë më e shkrifët, më e rrëshqitshme.
Por ato nuk kanë lëvizur sepse paratë e taksapaguesve nuk janë vjedhur.
Narkoqeveria është në gjumë.
Ramaduro udhëton për hesape të veta personale.
Dënoj me forcën më të madhe qëndrimin e papërgjegjshëm të qeverisë ndaj kësaj situate.
PD dhe grupi i saj parlamentar do të ndërmarrin të gjitha nismat për një mbështetje urgjente, për zhdëmtim të plotë të gjithë pasojave të moteve, të cilat në rast se do ishte mirëmbajtur infrastruktura e kanaleve, ato nuk do ndodhnin.
Cilido që kërkon të bëjë diferencën, të kuptojë më mirë se çfarë u zhvillua, i sugjeroj të lexoj një status të profesor Artan Fugës, duke u kthyer nga Gjakova.
Profesori i nderuar, në statusin e tij, përshkruan një vend krejt tjetër, një vend në të cilin pavarësisht nga shirat, tokat nuk ishin përmbytur.
Një vend në të cilin kudo dukeshin makineritë e punimit bujqësor.
Një vend në të cilin nafta ishte me një çmim krejt tjetër nga Shqipëria.
Në të cilin kanalet funksiononin.
Pra Kosova një shtet me histori prej dy dekadash, kurse Shqipëria shkon në 113-vjetorin e pavarësisë së saj, e rrënuar nga narkoshteti në mënyrë katastrofale.
Të gjitha këto janë shprehje e një rrënimi.
Së dyti, çështja Rama-Balluku është unike në Europë.
Unë u them shqiptarëve se prokuroria dhe gjykata kanë përdorur masat më lehtësuese që mund të përdornin ndaj Lubi Ballukut dhe Edi Ramës.
Së pari, është faktuar tani në mënyrë të pamohueshme se çdo akt, çdo veprim i Lubi Ballukut për tunelin e Llogarasë është i diktuar nga Edi Rama.
Dhe prokuroria jo vetëm që nuk ka ngritur akuzë, por po e lejon atë të bëjë gjithçka për të penguar hetimin, për të prishur provat, për të mbrojtur Belinda Ballukun, në fakt veten e tij.
Së dyti, prokuroria ka qenë lehtësuese sepse cilido që lexon akuzën e saj, konstaton se kemi të bëjmë me një grup të strukturuar kriminal. Keqbërës të poshtër që janë sjellë me paratë e taksapaguesve shqiptarë në mënyrën më banditeske, që kanë vjedhur dhe shpërdoruar dhjetëra e qindra milionë në bashkëpunim të ngushtë me njëri-tjetrin.
Dhe ky nuk është një person, por këtu janë Lubia, disa drejtorë, disa punonjës përgjegjës të prokurimeve, të gjithë së bashku, dhe prokuroria heziton t’i quajë ata siç janë, grup i strukturuar kriminal ose organizatë kriminale me dëme kolosale për qytetarët shqiptarë.
Ju duhet të dini se vetëm me tunelin e Llogarasë janë vjedhur 97 milionë euro të pastërta.
Por unë u them ju se me unazën e Tiranës janë vjedhur të pastërta 300 deri në 320 milionë euro.
Me aeroportin e Vlorës 140 milionë euro. I njëjti grup, e njëjta bandë, por që nuk cilësohet organizatë kriminale.
Po më thoni ju çfarë dëmesh më të mëdha kanë bërë një grup kriminelësh ordinerë?
Cili ka bërë kaq shumë dëme kolosale në buxhetin e qytetarëve shqiptarë?
Çfarë kushtesh duhet të plotësojnë këta që prokuroria t’i shpallë organizatë kriminale, përveçse faktit që janë zyrtarë dhe nuk do t’i quajë të tillë.
Ndaj dhe ata hidhen. Ndaj dhe kanë ndërsyer mediat e tyre si lukuni me akuza monstruoze, me akuza të turpshme se u bë grusht shteti, se po përmbyset Kushtetuta, se po përmbyset rendi kushtetuese, në një kohë kur ajo që është e pafalshme, është e papranueshme është se nuk janë kualifikuar si grup i strukturuar kriminal apo organizatë kriminale.
Dënoj me ashpërsinë më të madhe këtë qëndrim.
Kërkoj me urgjencë rivlerësimin, rikualifikimin e veprës së tyre.
Nuk mund të kalohet nga një vjedhje e madhe në një vjedhje tjetër të madhe.
U zhdukën 400 milionë euro të inceneratorëve.
Tani janë me qindra e qindra milionë të tjera dhe përsëri nuk kemi grup të strukturuar kriminal, nuk kemi organizatë kriminale në një kohë kur Edi Rama kryeson një organizatë të vërtetë kriminale që është qeveria e tij.
Artikuj te sugjeruar
POLITIKE
26 Nëntor13:36
VanHorn - krerëve të GP: Dialogu dhe liria e fjalës, shtyllë e institucioneve
E Ngarkuara me Punë në Ambasadën e ShBA në Tiranë, Nancy VanHorn ka zhvilluar ditën e sotme, takime me krerët e grupeve par...
POLITIKE
26 Nëntor13:19
Përmbytjet në vend/ Berisha: Narkoqeveria është në gjumë! PD do mbështesë çdo nismë për zhdëmtim të plotë të pasojave
Lideri i opozitës, Sali Berisha ka reaguar gjatë një konference shtypi edhe për situatën e përmbytjeve në vend.
Beris...
POLITIKE
26 Nëntor13:16
Meta kërkoi të merret në pyetje për 21 Janarin, reagon Berisha! Ja çfarë deklaron ish-kryeministri
Ish-kryeministri Sali Berisha ka komentuar kërkesën e Ilir Metës për t’u marrë në pyetje për dosjen e 21 Janarit n&eu...
POLITIKE
26 Nëntor13:10
U vetëofrua si dëshmitar për “21 Janarin”/ Berisha: Ilir Meta mund të ketë informacione! Rama falsifikoi një regjistrim
Kreu i Partisë së Lirisë Ilir Meta, është vetëofruar të jetë dëshmitar në procesin për ''21 Janarin'', ...
POLITIKE
26 Nëntor13:03
Vjedhja me tunelin e Llogarasë, Berisha: Rama fshihet pas Ballukut
Kryetari i PD-së, Sali Berisha gjatë një deklarate për shtyp akuzoi gjykatat se kanë përdorur masa lehtësuese për Beli...
POLITIKE
26 Nëntor12:57
“Lubia paritet, lahet me para!”/ Berisha: Balluku po prish provat, ditë e natë! Duhej të ishte në burg
Kryetari i PD-së, Sali Berisha lëshoi akuza të forta në drejtim të ish-zëvendëskryeministren Belinda Balluku, se kjo e fund...
POLITIKE
26 Nëntor12:52
Përmbytjet, Berisha: Rrugët u shemben sepse Rama i ka vjedhur lekët
Kryetari i Partisë Demokratike, Sali Berisha përmes një deklarate për shtyp tha se qeveria e Edi Ramës është treguar e pap&...
POLITIKE
26 Nëntor12:17
Bardhi takim me Ambasadorin Gjerman: Shqipëria ka nevojë të ketë një qeveri që del nga zgjedhje të lira e të ndershme
Kryetari i grupit parlamentar të Partisë Demokratike, Gazment Bardhi ka zhvilluar takim me ambasadorin e Gjermanisë në Tiranë.
&ldqu...
POLITIKE
26 Nëntor09:45
Bylykbashi: PS, i ka shkatërruar zgjedhjet njëra pas tjetrës
Vendimi i opozitës për t'u ulur në tryezën e Komisionit dypalësh për Reformën Zgjedhore me mazhorancën socialiste nuk ...
POLITIKE
25 Nëntor22:02
Salianji: Regjimet nuk bien pa lëvizje të brendshme, opozita duhet të ringrihet
Ish-deputeti Ervin Salianji ishte i ftuar në emisionin ‘A Show’ me Adi Krastën në SYRI TV, ku analizoi situatën aktuale në ...
