Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
POLITIKE
Berisha: Rama paditi Gjykatën që pezulloi nga detyra Ballukun që është hajdute
PiranjatPërditësimi i fundit 29 Nëntor 2025, 12:26
Kryedemokrati Sali Berisha ka komentuar dërgimin në Gjykatën Kushtetuese nga qeveria të vendimit të GJKKO-së për pezullimin e Belinda Ballukut si zv.kryeministre dhe ministre të Infrastrukturës.
“Skandali Rama-Balluku ka marrë përmasa të papara”, deklaroi Berisha duke treguar se është hera e parë, “një Kryeministër padit Gjykatën që pezulloi nga detyra zv.kryeministen hajdute”.
Kryetari i PD deklaroi se Belinda Balluku, jo vetëm nuk dha dorëheqjen, por mori edhe mbështetje nga Rama.
“Skandali Rama-Balluku ka marrë përmasa të papara. Për herë të parë një Kryeministër padit Gjykatën që pezulloi nga detyra zv.kryeministen hajdute. S’ka ndodhur kurrë.
Pezullimi nuk është i shpeshtë në Evropë, sepse sapo ngrihet një akuzë i akuzuari jep dorëheqjen dhe pret sqarimin nga drejtësia.
Në Shqipëri jo vetëm nuk jep dorëheqje, por merr mbështetjen e Kryeministrit. Për shkak të problemit madhor të tij sepse është bashkautor, është ai që dërgoi Ballukun në Ankara dhe takoi kompanitë turke që morën 59 milionë euro më shumë për tunelin e Llogarasë.
Kemi një kalbëzim, shkërmoqje të regjimit të narkoshtetit”, u shpreh Berisha.
